İyun ayının 23-dən 28-nə qədər Bolqarıstanın Varna şəhərində “Xalqlar dostluğu” kəməri uğrunda keçirilən hərbiləşdirilmiş idman növləri üzrə yarışmada idmançımız Pərviz Hüseynov qızıl medal qazanıb.
Beynəlxalq Kempo-Kobudo Federasiyasinin vitse-prezidenti 7-ci DAN qara kəmər sahibi Tarverdi Allahverdiyevin Axar.az-a verdiyi xəbərə görə, Heydər Əliyevin 91 illiyi illiyinə həsr olunmuş yarışda Ədliyyə Nazirliyinin penitensiar xidmətinin əməkdaşı Pərviz Hüseynov 90 kq-dan çox çəkidə 3 idman növündə rinqə çıxaraq qalib gəlib.
Həmyerlimiz özünümüdafiə və düşməni tərkisilah etmə üzrə 1-ci yerə, irikumi-cuqodan və katadan isə 2-ci yerə layiq görülüb.
Qeyd edək ki, yarışa Azərbaycan döyüşçüləri ilə yanaşı Bolqarıstan, Polşa, Özbəkistan, Rusiya, Gürcüstan, Türkiyə və başqa ölkələrin idmançıları da qatılıb.
Şərhlər