İranın tanınmış ayətullahı vəfat edib

İranın Dini Ekspertlər Şurasının keçmiş üzvü ayətullah Mühiddin Xaaeri Şirazi vəfat edib.

“Report” İran KİV-inə istinadən xəbər verir ki, o, 80 yaşında dünyasını dəyişib.

Qeyd edək ki, M.Şirazi 1937-ci il fevarlın 1-də İranın Şiraz bölgəsində anadan olub. O, 1979-cu il İslam inqilabının aparıcı simalarından biri olub. Məhəmmədrza şah Pəhləvinin hakimiyyəti illərində dəfələrlə həbs edilib, işgəncələrə məruz qalıb.

M.Şirazi İslam inqilabından sonra ayətullah Xomeyni tərəfindən Şirazın imam cüməsi təyin edilib.