İŞİD Türkiyə sərhədinə çatdı

İŞİD terror təşkilatı Suriyanın Türkiyə ilə sərhədinin bir neçə kilometrliyində yerləşən Zormağara kəndini işğal edib. Lent.az-ın Türkiyə mediasına istinadən verdiyi xəbərə görə, PKK terror təşkilatının Suriyadakı qolu PYD-in nəzarətində olan Zormağara kəndi 3 gün davam edən şiddətli döyüşlərdən sonra ələ keçirilib.

İŞİD kəndin ən yüksən yerinə təşkilatın bayrağını asıb. İŞİD-in nəzarət etdiyi kənddən aralarında qadın və uşaqların da olduğu 200 nəfərdən çox insan isə sərhədə gələrək Türkiyəyə keçmək istədiklərini bildirib.

İŞİD-in Zormağara kəndini işğal etməsindən sonra Türkiyə Suriya ilə sərhəddə təhlükəsizlik tədbirlərini gücləndirib.