İraqda iki türk hərbçisi həlak olub

İraqın şimalındakı Karineş bölgəsində iki türk hərbçisi həlak olub.

Trend-in məlumatına görə, hərbçilər PKK terror təşkilatı ilə toqquşma nəticəsində ölüb.

Qeyd olunur ki, hazırda Karineş bölgəsində əməliyyatlar davam etdirilir.

Xatırladaq ki, Türkiyə ordusunun PKK terror təşkilatı ilə mübarizəsi 1984-cü ildən başlayıb. 30-ildən çox davam edən qarşıdurmada 40 mindən çox adam həlak olub.