Dənizkənarı Milli Parkın ərazisində 1 nəfər kişi dənizə düşməsi barədə məlumat daxil olub
Fövqəladə Hallar Nazirliyi Bakı bulvarında baş verən ölümlə bağl məlumat yayıb. ANS PRESS-in nazirliyin mətbuat xidmətinə istinadən verdiyi məlumata görə, FHN-nin “112” qaynar telefon xəttinə daxil olan məlumata əsasən, Bakı şəhəri, Səbail rayonunda Dənizkənarı Milli Parkın ərazisində 1 nəfər kişi dənizə düşməsi barədə məlumat daxil olub.
Hadisə yerinə cəlb edilən Fövqəladə Hallar Nazirliyinin dalğıc-xilasediciləri hadisə yerinə cəlb olunub. Xilasedicilər dənizdən kişi meyidi çıxarıb.
Araşdırmalar zamanı məlum olub ki, ölən şəxs 1992-ci il təvəllüdlü Xəyal Namiq oğlu Cahangirovdur. Onun cəsədi xilasetmə məntəqəsindən 200 metr aralıda, nəzarətsiz ərazidə tapılaraq sudan çıxarılıb.
Əməliyyat saat 06:09-da başa çatıb.
Şərhlər