"Ölkədə qanunsuz ət kəsiminin qarşısını almaq məqsədi ilə layihənin hazırlanması istiqamətində iş gedir. Bu iş yaxın vaxtlarda yekunlaşdırılacaq və layihə ölkə rəhbərliyinə təqdim ediləcək".
“Report” xəbər verir ki, bunu Qida Təhlükəsizliyi Agentliyinin sədri Qoşqar Təhməzli “Media və təhlükəsiz qida” mövzusunda keçirilən tədbirdə deyib.
O qeyd edib ki, qanunsuz ət kəsimi məsələsi ilə əlaqədar monitorinq keçirilib: "Monitorinq zamanı Azərbaycanda təxminən 111 Baytarlıq Sanitar-Ekspertiza laboratoriyalarının olduğunu öyrəndik və onların şəraitini araşdırdıq. Hesab edirik ki, bu məsələnin qarşısı sırf inzibati qaydada alınmalıdır. Çünki əks halda görülən tədbirlər müvəqqəti xarakter daşıyacaq. Ona görə təklif etdik ki, hər bir rayonda və Bakı şəhərində ət kəsimi məntəqələri yaradılsın".
Agentliyin sədri bildirib ki, artıq bununla bağlı Bakı Şəhəri İcra Hakimiyyəti və yerli icra hakimiyyəti orqanlarının rəhbərləri ilə görüşlər keçirilib: "Bakı kəndləri və paytaxt ətrafı regionlar üzrə əhali və təsərrüfat sayına görə kəsim məntəqələri yaradılacaq. Hazırda kəsim yerlərinin formaları müəyyənləşdirilir. Bu məntəqələr ola bilsin modul tipli və ya mobil formada olsun. Artıq onların standartları müəyyənldirilib və eskizlər çəkilib.
Qurban bayramında Azərbaycanda kütləvi şəkildə heyvan kəsimi həyata keçirilir. Ona görə də ölkədə həmin ərəfədə nə qədər kəsim məntəqələrində ehtiyac olduğu və onların müvafiq laboratoriyalarla təmin edilməsi məsələsi araşdırılır. Bundan başqa, Bakıya iri və xırda buynuzlu heyvanların gətirilməsi qadağan olunacaq. Paytaxtın ətrafındakı qəsəbələrdə isə ancaq iribuynuzlu heyvanları müvafiq təsərrüfatlarda saxlamaq üçün icazə veriləcək. Gələcəkdə Qurban bayramı ərəfəsində küçələrdə ət kəsimi olmayacaq".
Şərhlər
Oliqarxlar ət kəsimini də kasıbların əlindən aldılar.Evinə çörək pulu aparmaq üçün gecələrini də mal-qara ilə keçirənlər təhdidə alındılar.İş yerləri yox,aclıq və səfalət adamları intihara sürükləyir.Yaranan hər yeni qurum əli baltalı olub düşür köməksizlərin üstünə.Adama deyərlər,qayda yaradansızsa gedin camaatı saxta dərmanlarla həm zəhərləyən,həm də soyub-talayan ziyankarları zərərsizləşdirin.Ət alıb yeyənlər arasında hələ zəhərlənən olmayıb..
Bu çoxdan lazım idi. Hər yerindən duran dana kəsib ət satırdı. Belə olmaz axı. Oliqarxların heyvanları əllərində qalmışdı. Ət kəsimini də monopoliyaya keçirin (bəlkə də çoxdan monopolidadır). Monopoliyanın yüyəni də verin ülvi nazirə. Onun qudasının paralarını əlindən alıblar bir az ona görüm baxım eləsin.
Isiniz ancaq yetim yesirin coreyini elinden almaq olsun! Azerbaycan ele olkedir ki insanlar marketlerden buzdu et almayacaq birde ki et alqi satqisi ile mesqul okanlarin 80% i qacqinlardir bes o onsanlar nece yadayacaqlar bir fikirlesin!!!
Əhsən. Yaxşı pul mənbəyi tapdılar.Bundan sonra vətəndaşlar öz heyvanlarını aparıb bunların kəsim məntəqələrində kəsməlidirlər, təbii ki müəyyən haqq müqabilində....