Almaniyanın paytaxtı Berlində İddiaçılar Turnirində ikinci yeri tutan Azərbaycan şahmatçısı Şəhriyar Məmmədyarov azarkeşlərə təşəkkür edib.
“Report”un məlumatına görə, 33 yaşlı qrossmeyster şəxsi “facebook” hesabı vasitəsi ilə yarış ərzində ona dəstək olan şəxslərə minnətdarlığını çatdırıb. O, turnirin qalibi ola bilmədiyi üçün azarkeşlərdən üzr istəyib: “Dostlar, sizdən şikayətim yoxdur, sadəcə, məni dinləyin. Zamanım az olsa da, sizləri izlədim. Azərbaycanlı olsam da, mənə yox, italyana, erməniyə olan dəstəyi də gördüm. Demək istədiyim budur – yaxşı ki, varsınız. Sizlərə birincilik yaşatmadığım üçün üzr istəyirəm. Amma sonuncu olmaq hissiyatını yaxın belə, buraxmadım. Çox sağ olun, mənə sona qədər inandınız. Bütün mesajlarınızı aldım. Cavab almadınızsa, üzrlü sayın, sadəcə, inanın. Yaxşı ki, varsınız. Biz geri qayıdacağıq. Uğurlar və 10 dəfə çox sağ olun”.
Qeyd edək ki, İddiaçılar Turnirinin qalibi 9 xalla ABŞ şahmatçısı Fabiano Karuana olub. Ş.Məmmədyarov isə 8 xal toplayıb.
Şərhlər
Cox sag olun ki bizim wahmatseverlere axira qeder heyacan yasatdiniz..gelecek oyunlarda ugurlar..amma turnirin adina gore bele basa duwuremki burda yalniz 1yer olur..qalan yerlerin ele bir ferqi yoxdur..inwallah gelen defe qalib olarsiniz
Hela yaxshi ki sizin kimiler helada Azerbaycanda movcuddur,buna min shukur
Ugurlar olsun Sheriyar bey!Dunya cempionu titulunun olkemize gelmesini arzulayiriq. Insallah!
Çox sağ ol, Şehriyar, Azerbaycanı dünya miqyasinda temsil etdin. Dünyanın şahmat nehengleri ile oynadin, çox uğurlu neticeye imza atdın. Veten hissi olmayan kosmopolit insanların kimi desteklemesinin heç bir önemi yoxdur. Allahın kömeyi ile, gelecekde daha çox nailiyyet qazanacaqsan.