"Təəssüflər olsun ki, Azərbaycanda böyük cinayət törədənlər sonra xaricə gedib qarayaxma kampaniyalarında iştirak edirlər".
APA-nın məlumatına görə, bunu bu gün Prezident Administrasiyasının rəhbəri Ramiz Mehdiyev bildirib. R. Mehdiyev deyib ki, belə insanlar yüksək mədəniyyətə malik olmadığı üçün bu yola əl atırlar: "Belə halları çox pis qiymətləndirirəm".
R. Mehdiyev deyib ki, normal adam bu yola düşməməlidir: "Daxildə müxalifət var. Bir də var ki, gedib xaricdə Azərbaycana qara yaxır, hörmətdən salmağa çalışır. Heç bir millətin nümayəndələri bu yola düşməməlidir. Azərbaycanda iqtisadiyyat və sosial sahədə bir çox problem həllini tapıb. Ona görə də seçicilərin yüksək səviyyədə seçkilərə gəlməsi təbiidir".
Prezident Administrasiyasının rəhbəri qeyd edib ki, bəzən insanlar Azərbaycanda böyük cinayətlər törədib, xaricə qaçırlar: "Xaricdə də belələri Azərbaycanı pisləməyə başlayırlar. Əlbəttə, bu, yaxşı hal deyil. Bu, Azərbaycan xalqına xas keyfiyyət deyil. Bu insanlar mədəniyyəti, tərbiyəsi olmadığına görə belə yola əl atırlar".
Şərhlər
Dogurdan da cox duz deyir daxilde biri birimizi ittiham ede bilerik lakin xaricde bunu buruze vermemeliyik onsuzda ermeniler var daa...
Bəli, hörmətli R.Mehdiyev. Milli maraq şüarları altında konstitusyanı pozub, mülkü əhalini terror edənlər belə özlərini artıq cinayətkar saymır, qəhrəman kimi təqdim edirlər. Cənab Akademik, görəsən bu cinayətkarları buraxan ortaqları KİMdir, hansı DÖVLƏTdir və müdafiə edən hansı Beynəlxalq qurumdur?
Cənab Akademik dünyada heç yerdə məmurlar öz millətinə bu qədər zülüm etmir.