Ermənistan parlamentinin dövlət-hüquq məsələləri komissiyasının sədr müavini Rüstəm Mahmudyan bildirib ki, yeni baş nazir seçkisi mayın 2-də keçiriləcək, RİA Novosti bildirib.
"Parlament fraksiyaları yeddi gün ərzində baş nazir postuna namizədləri irəli sürəcəklər. Sonra parlamentin iclasında hökumət başçısı seçiləcək. Bu, mayın 2-də olacaq", - R.Mahmudyan bildirib.
Etirazçı hərəkatın lideri Nikol Paşinyanın tərəfdarlarından biri bildirib ki, o, müvəqqəti hökumət başçısı postuna namizədliyini irəli sürmək niyyətindədir.
Ermənistan hökuməti aprelin 23-də istefa verib. Namizədlərin irəli sürülməsinin müddəti mayın 1-də bitir. Baş nazir təyinatından sonra 15 gün ərzində Nazirlər Kabineti formalaşmalıdır. (Turan)
Şərhlər