Abşeronda qaynı tərəfindən bıçaqlanan şəxs xəstəxanada ölüb.
"Report"un yerli bürosunun verdiyi məlumata görə, hadisə Saray qəsəbəsində baş verib.
Belə ki, Abşeron rayon sakini, 1976-cı il təvəllüdlü Abbasov Müşviq Zakir oğlu yaşadığı Saray qəsəbəsi, "Badamlılıq" yaşayış massivində qaynı tərəfindən bıçaqlanıb. Yaralı ağır vəziyyətdə xəstəxanaya çatdırılıb. Həkimlərin səylərinə baxmayaraq, onun həyatını xilas etmək mümkün olmayıb.
Hadisəni törədən şəxs saxlanılıb.
Faktla bağlı Abşeron Rayon Prokurorluğunda araşdırma aparılır.
Şərhlər