İraq kürdlərin satdığı neftə görə məhkəməyə müraciət etdi

İraq Texas məhkəməsində İraq Kürdüstanından neft daşınması əleyhinə iddia qaldırıb.

1 milyon barrel neftlə dolu tanker Texasa iyulun 26-da gəlib. Qiyməti 100 milyon dollar olan bu neft hələ də boşaldılmır. İraq müraciət edib ki, həmin neft müsadirə olunsun.

İraq Kürdüstan regionundan neft satışını neft qaçaqmalçılığı hesab edir. ABŞ-ın Dövlət departamenti də bildirir ki, İraq Kürdüstanından müstəqil neft satışı İraqın parçalanmasına apara bilər.

İraq həmçinin İraq Kürdüstanından Türkiyəyə yeni kəmər çəkilişinə çalışır.