Bu gün Avropa Liqasında III təsnifat mərhələsinin ilk oyunları keçirilib. Apasport.az saytının məlumatına görə, mübarizəni davam etdirən yeganə Azərbaycan təmsilçisi “Neftçi” növbəti sınağına çıxıb.
“Ağ-qaralar”ın rəqibi Gürcüstanın “Çixura” klubu olub. Oyun 0:0 hesablı bərabərliklə başa çatıb.
Türkiyədəki hazırlıq prosesində bu komanda ilə 2 dəfə qarşılaşan “Neftçi” rəqibini məğlub edə bilməmişdi – 2:3, 1:1.
Belə ki, 2 il əvvəl Çempionlar Liqasında Gürcüstanın digər klubu “Zestafoni”ni 3:0 hesabı ilə məğlub edən bakılılar avrokuboklarda öz meydanında qalib gələ bilmir.
Qeyd edək ki, Avropa Liqasındakı digər Azərbaycan klublarından “Qəbələ” I, “İnter” II təsnifat mərhələsində mübarizəni dayandırıb.
Şərhlər