2018-ci il yanvarın 1-i tarixinə Azərbaycan Dövlət Neft Şirkətinin (SOCAR) təsdiq edilmiş neft ehtiyatlarının həcmi 66,838 mln. ton təşkil edib.
“Report” xəbər verir ki, bu barədə SOCAR-ın 2017-ci il üzrə “Davamlı inkişaf haqqında hesabat”ında qeyd edilib.
Ötən ilin sonuna Şirkətin təsdiq edilmiş qaz ehtiyatlarının həcmi isə 29,927 mlrd. kubmetr olub.
Qeyd edilib ki, neft və qaz ehtiyatları üç yataq üçün hesablanıb təsdiq edilib. Hesabatda iştirak edən neft və qaz yataqları “Günəşli”, “Neft daşları”, “Bulla-dəniz” olub.
Şərhlər