Türkiyə Hərbi Hava Qüvvələrinin İraqın şimalında apardığı anti-terror əməliyyatları nəticəsində 7-8 oktyabr tarixlərində PKK terror qruplaşmasının 9 üzvü məhv edilib.Virtualaz.org bildirir ki, bu barədə Türkiyə Silahlı Qüvvələrinin Baş Qərargahı bəyanat yayıb.
“7-8 oktyabrda İraqın şimalındakı Zap və Avaşin-Basyan rayonlarında həyata keçirdiyimiz hava əməliyyatları nəticəsində bizim hərbi bazalarımıza hücuma hazırlaşan PKK separatçı terror təşkilatının 9 üzvü zərərsizləşdirilib”, - deyə bəyanatda bildirilir.
Qeyd edək ki, Türkiyə 2015-ci ilin iyulundan PKK-ya qarşı başlatdığı anti-terror əməliyyatlarında bu qruplaşmanın ümumilikdə 10 mindən çox silahlısını məhv edib.
Şərhlər