"Lotu Quli" sərbəst buraxıldı - Yenilənib

Dünən İstanbulda saxlanılmış "Lotu Quli" ləqəbli kriminal avtoritet Nadir Səlifov bu gün çıxaırldığı məhkəmədə azadlığa buraxılıb.Musavat.com-un Türkiyədəki mənbədən aldığı məlumata görə, hazırda N.Səlifov Miqrasiya idarəsindədir və bəzi sənədləşmə prosedurundan keçir. Onun hansı ölkəyəsə ekstradisiya edilməsi təhlükəsi yoxdur.

***

Xəbər verildiyi kimi, "Lotu Quli" ləqəbli kriminal avtoritet Nadir Səlidov dünən İstanbulda saxlanılıb. Türkiyənin aparıcı media qurumlarının yaydığı xəbərə görə, onu Rusiya dövlətindən edilən şikayətlər əsasında saxlayıblar. Bəzi mətbuat orqanları isə N.Səlifovun Azərbaycana ektradisiya ediləcəyini yazıblar.

Ancaq Musavat.com-a bilgili qaynaqlardan məlum olub ki, Azərbaycan tərəfinin belə bir tələbi yoxdur, çünki N.Səlifov öz cəzasını bir il öncə başa çatdıraraq azadlığa buraxılıb və ölkəni tərk edib. Həm də o, Azərbaycan vətəndaşı deyil.

"Lotu Quli"nin Gürcüstana və Rusiyaya ekstradisiya edilməsi barədə ehtimallar da öz təsdiqini tapmır. Musavat.com İstanbuldakı mənbəyə istinadla xəbər verir ki, barəsində aparılan müvafiq araşdırma işləri başa çatdıqdan sonra, daha dəqiqi, sabah N.Səlifov azadlğa buraxılacaq və Türkiyədə yaşamaqda davam edəcək.

***

Türkiyədə yaşayan "qanuni oğru” Nadir Səlifov ("Lotu Quli”) İstanbulda saxlanılmasının bəzi təfərrüatları məlum olub. Nadir Səlifov İstanbul Mütəşəkkil Cinayətkarlıqla Mübarizə İdarəsinin əməkdaşları keçirdikləri əməliyyat nəticəsində dünən axşam saatlarında saxlanılıb. O, İstanbulda Vətən Prospektində yerləşən yaşayış binaların birində keçirilən əməliyyat zamanı tutulub.

***

“Lotu Quli” ləqəbi ilə tanınan azərbaycanlı qanuni oğru Nadir Səlifov İstanbulda polis tərəfindən saxlanılıb.

Bu barədə Türkiyənin “Milliyyet” qəzeti məlumat yayıb. Qəzet qeyd edir ki, Baş Mütəşəkkil Cinayətkarlıqla Mübarizə İdarəsinin əməkdaşları əməliyyat həyata keçirərək "qanuni oğrunu" saxlayıblar və o, polis idarəsinə gətirilərək sorğuya alınıb.