“Gələn ilin I yarısında Azərbaycanla yeni tərəfdaşlıq strategiyasının hazırlanaraq başa çatdırılmasını düşünürük”.
"Report" xəbər verir ki, bunu Bakıya səfəri çərçivəsində jurnalistlər üçün keçirdiyi mətbuat konfransında Asiya İnkişaf Bankının (ADB) vitse-prezidenti Vençay Janqın (Wencai Zhang) deyib.
O, əlavə edib ki, yeni stategiya ilə bağlı son qərarı təmsil etdiyi maliyyə qurumunun 2019-cu ilin birinci yarısında ADB-nin Direktorlar Şurası qəbul edəcək.
“Hazırda ADB Azərbaycan iqtisadiyyatı ilə bağlı araşdırma aparır, hansı sahələrə yardım edə biləcəyini müəyyənləşdirir. Bank 2016-2017-ci illərdə ADB Azərbaycan iqtisadiyyatına 2,5 mlrd. ABŞ dolları investisiya yatırıb. Çalışmalıyıq ki, Azərbaycan dövləti növbəti 5 ildə qarşısına qoyduğu məqsədlərə nail olsun”, - deyə V.Janqın qeyd edib.
ADB rəsmisi həmçinin bildirib ki, növbəti illərdə də Azərbaycanda aparılan iqtisadi islahatlara dəstək veriləcək: “Düşünürəm ki, dəstəyimizi davam etdirməliyik. Xüsusilə də dövlət xidmətləri ilə bağlı layihələrə dəstək verilməlidir. Bunlardan biri yerli valyutada qiymətli kağızların emissiya edilməsidir. Bu, iqtisadiyyatın inkişafına kömək edəcək. Bu məsələ Azərbaycan Mərkəzi Bankı, Maliyyə Bazarlarına Nəzarət Palatası və Maliyyə Nazirliyi ilə müzakirə etməliyik".
Şərhlər