Dövlət Təhlükəsizliyi Xidmətinin (DTX) Mədəniyyət Mərkəzinə yeni direktor təyin edilib.
Unikal.org-un məlumatına görə, mərkəzin baş direktor vəzifəsinə əməkdar artist Cabir İmanov təyin olunub.
Mədəniyyət Mərkəzindən xəbəri təsdiqləyiblər.
Qeyd edək ki, Cabir İmanov 22 iyun 1976-cı ildə Bakı şəhərində anadan olub. 1983-1993-cü illərdə Bakı şəhəri 189 saylı məktəbdə oxuyub. 1993-cü ildə Azərbaycan Dövlət İqtisad İnstitutuna qəbul olub və 1997-ci ildə həmin institutu bitirib. 1999-cu ildə Bakı Dövlət Universitetinə qəbul olub və 2003-cü ildə həmin universiteti bitirib. İxtisasları: İqtisadçı, hüquqşünas.
1992-2001-ci illərdə “Parni iz Baku" KVN komandasının üzvü olub 1992-ci ildə KVN çempionu, 1995-ci ildə KVN Yay Kubokunun sahibi və 2000-ci il KVN “Əsrin Çempionu” olub.
2001-ci ildən “Planet Parni iz Baku” KVN Teatrının aktyorudur. 14 sentyabr 2015-ci ildə Azərbaycanın əməkdar artisti fəxri adına layiq görülüb.
Ailəlidir, üç övladı var.
Şərhlər
Tebrik edirem.Ugurlar
Sağlam düşüncəli gənclərin irəli çəkilməsi dövlətimizə şərəf gətirir.Təsadüfi deyil ki,dünyanı heyrətə gətirən "Asan xidmət" sahəsi də layiqli gənclərə etibar edilib.Qocalar dursun kənara,Vətənimiz qoy gənclərimizin uğurları ilə ucalsın!
Mədəd Quliyevə ƏLA qiymət verdim.Yaradıcı insanlara qayğı göstərmək ağıllılıq əlamətidir.
Shükür. Bir xos xəbər də olarmış. Təbriklər.