ABŞ prezidentinin milli təhlükəsizlik müşaviri Con Bolton İrəvana səfəri zamanı Dağlıq Qarabağ münaqişəsinin nizamlanmasına dair öz formulunu təqdim edib. Bu formulun mahiyyəti belədir ki, işğal edilmiş Azərbaycan ərazilərində İrana təzyiq göstərmək üçün Amerika hərbi bazasının yerləşdirilməsi təmin edilsin.
Virtualaz.org xəbər verir ki, belə sensasion, eyni zamanda ağlabatan olmayan bəyanatla “Rossiya 1” telekanalının “Axşam Vladimir Solovyovla” proqramında çıxışı zamanı Rusiyanın Xəzər Əməkdaşlığı İnstitutunun direktoru Sergey Mixiyev çıxış edib.
Rusiyalı ekspert deyib ki, Ermənistandakı “məxməri inqilab” Vaşinqtonun rəhbərliyi ilə təşkil olunub və həyata keçirilib. “Ermənistanda indi deyirlər ki, hakimiyyət dəyişikliyi amerikalılarla heç cür bağlı olmayıb, lakin bu qətiyyən belə deyil, hamıya yaxşı məlumdur ki, Ermənistanda Amerikanın böyük sayda dayaqları var”-Mixiyev bildirib.
Rusiyalı ekspertin fikrincə ABŞ-a Ermənistanda müəyyən dərəcədə idarəolunan hakimiyyət ona görə gərək idi ki, İrana təzyiq üçün platsdarm qazansın. Və məhz bu səbəbdən Amerika indi Dağlıq Qarabağ münaqişəsinin nizamlanmasına dair öz fəaliyyətini artırıb.
“Onların öz planı var ki, Qarabağ məsələsini necə həll etmək lazımdır-işğal edilmi rayonları təhvil vermək, bundan sonra ora sülhməramlılar qismində Amerika qoşunlarını yeritmək və beləliklə də İrana təzyiq üçün mövqe qazanmaq”-Mixiyev öz fərziyyəsini dilə gətirib.
“İrəvan buna gedəcəkmi, məlum deyil, amma Boltonun Ermənistana səfəri zamanı belə planın təqdim edildiyi doğrudur”-Sergey Mixiyev əminliklə bildirib.
Qeyd edək ki, Qarabağa dair bütün dövrlərdə təqdim olunmuş və danışıqlar masasında olan həll variantlarında sülhməramlıların yerləşdiirlməsi məsələsini əksini tapıb. Lakin dəfələrlə açıqlandığı kimi sülhməramlı qüvvələrin ATƏT-in Minsk Qrupunun həmsdər ölkələri tərəfindən formalaşdırılmayacağına dair “centlmen razılaşması” mövcuddur. Hərçənd dəfələrlə ekspert çevrələrində və KİV-lərdə münaqişə zonasında KTMT sülhməramlılarının, yaxud Rusiya qüvvələrinin yerləşdirilməsinin nəzərdə tutulduğu haqda iddialar da səslənib.
Şərhlər
Rusiyanın araqarışdıran mütəxəssislərinin çıxışları həmişə belə olub.
Onlar ABŞ nümayəndəsinin səfərinə qısqanclığla yanaşırla ona görədə mən deyilənlərə qeyri-ciddi yanaşıram.
Belədə regionda olan problemlemi elə Rusiya özü yaradıb və heç vaxt onun həll olunmasını istəmir.
ABŞ ermənilərin ən yaxın dostudur.Ona görə də bizə qarşı 907 sayli Azadlığın müdafiəsi adlı bir sənəd qəbul edib.
Bolton Amerikanın məsul şəxsi kimi Qarabağda Amerikanın hərbi bazasının yerləşdirilməsi planını niyə Ermənistana təklif edib? Məgər Amerika Qarabağı Ermənistanın ərazisi olduğunu qəbul edib? Bu AZərbaycan Rəhbərliyində olduqca ciddi rezonans doğurmalı, XİN münasibət bildirməlidir.Amma neçə gün keçməsinə baxmayaraq səssizlikdir.Bu susqunluq nəyə işarədir? BU barədə millətə məlumat vermək vacibdir.
Rusiyalı mütəxəssislərin çıxışları,həmişə "pişik başı bəzəməyə" bənzəyir. erməniləri DQ-yə yerləşdirən,onları orada müdafiə edən,Azərbaycan əsgərlərini öldürən və s. ,məgər, Rusiya deyilmi?Yəni,biz o qədər savadsızıq ki,Rusiyanın başımıza gətirdiyi müsibətləri görmürük? Rusiyanın regionda törətdiyi vəhşilikləri etiraf etməyə ,görəsən, nə vaxt imkanı olacaq?Onsuz da ermənilərin yanında olan İranın ABŞ-la münasibətlərindən bizə nə?