Bakı Nəqliyyat Agentliyi (BNA) 17 min nəfərlik işsiz ordusu yaratmağa hazırlaşır.
BNA -nın sədri Vüsal Kərimli taksi şirkətlərinin fəaliyyəti ilə bağlı suala cavab verərkən Bakıda 22 - 25 min arası taksinin fəaliyyət göstərdiyini bildirib. Daha sonra isə "Bizim hesbalamalarımıza əsasən Bakıda 8500 taksi fəaliyyət göstərməlidir" ifadəsini işlədib.
25 min taksinin 8500 - ə qədər azalması 16 min 500 nəfərin işsiz qalması deməkdir.
Bununla bağlı BNA -nın sözçüsü Mais Ağayev bildirib ki, söhbət qanunsuz taksi fəaliyyəti ilə məşğul olanlardan gedir. Aparılan təhlillərə görə onu da deyə bilərik ki, bu gün taksi fəaliyyəti ilə məşğul olanların böyük əksəriyyəti ikinci iş olaraq minik avtomobili ilə taksi xidməti göstərir.
Buradan isə bəzi suallar meydana çıxır: 16.500 nəfər insanın qanunsuz taksi fəaliyyəti ilə məşğul olmasını BNA necə hesablayıb? Bu vaxta qədər taksi fəaliyyəti ilə qanunsuz şəkildə məşğul olunubsa, BNA nə işlə məşğul olub? Ən asası isə bu qədər insanın ikinci iş yeri olaraq taksi fəaliyyəti göstərməsini BNA -i hansı statistikaya əsasən deyə bilir? /kommersant.az
Şərhlər
Mayis Ağyev haradan bilir ki, işdən sonra bu qədər adam taksi fəaliyyəti ilə məşğul olur? Əvvəla bu yanlışdır.Sonra bir sual ortaya çıxır: Əgər bu adamlar haradasa işlə təmin olublarsa onlar işdən sonra istirahət etmək əvəzinə niyə bu işlə məşğul olurlar? Onları məcbur edən nədir?
Sərnişin daşımalarının istər avtobusla,istər taksi ilə bu qaydada pərakəndə, nəzarəti mümkün olmayan şəkildə təşkili onu qane edirmi?Axı son vaxtların qəzaları bu sahənin boş buraxıldığını təsdiq edir.O bu haqda nə düşünür?
Sınana qədər sıxacaqlar...