“Milli Məclisin qarşısına şəhid ailələri toplaşıb”.
Modern.az-ın məlumatına görə, bunu Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov parlamentin iclasında deyib.
Deputat Milli Məclisin sədri Oqtay Əsədovdan belə bir xahiş edib:
“Əmək və əhalinin sosial müdafiəsi naziri Sahil Babayevə deyin bu adamları bir-bir qəbul etsin. Və birdəfəlik başa salsın ki, bu adamlara “qanpulu” düşür, ya yox. Yoxsa, bu adamlar bizim hər dəfə qarşımızı kəsirlər, yalvarırlar, xahiş edirlər. Bu məsələni həll etmək lazımdır. Lazımdırsa, bununla bağlı bir komissiya yaradaq və biz məşğul olaq”.
Vahid Əhmədov qeyd edib ki, nazir o adamlarla görüşə bilmirsə, vaxtı yoxdursa, bu başqa məsələ.
“Bu, birbaşa olaraq, Əmək və Əhalinin Sosial müdafiəsi Nazirliyinə aid olan məsələdir. Məsələni də axıra çatdırmaq lazımdır. Oqtay müəllim (Oqtay Əsədov –red) xahiş edirəm bu məsələ ilə bağlı tapşırıq verin”.
Şərhlər
Deputat Nazirə söz deyə bilmirsə,adicə vətəndaş nazirin qəbulunu necə düşə bilər ?Çox acınacaqlı bir vəziyyətdə yaşayırıq,adicə nazirin qəbuluna düşə bilmirik? Uzun müddətdir ki,Rabitə Nazirin qəbuluna düşə bilməmişəm və saysız-hesabsız cənab Prezidentin və birinci Vitse prezidentin ünvanına saysız-hesabsız müraciətlər etməyimə baxmayaraq heç bir müsbət nəticəsi olmamış, müraciətlərim göndərilir Rabitə Nazirliyinə,nəzarət mexanizmi işləmədiyindən,ünvanıma qanunsuz,şablon xaraktrli cavab məktub göndərirlər..