İrlandiya millisinin sabiq futbolçusu Robbi Kin karyerasını başa vurub.
“Report” BBC-yə istinadən xəbər verir ki, 38 yaşlı hücumçu İrlandiya yığmasının baş məşqçisi Mik Makkartinin köməkçisi təyin olunub.
Qeyd edək ki, Kin millidə 1998-ci ildə debüt edib. O, bu müddətdə keçirdiyi 145 matçda 67 qol vurub. Veteran forvard karyerası ərzində İngiltərənin “Lids”, “Tottenhem”, “Liverpul”, İtaliyanın “Milan”, ABŞ-ın “Los-Anceles Qelaksi” kimi klubların formasını geyinib. Onun son iş yeri Hindistan “Atletiko”su olub.
Şərhlər