Vatikan “İraq Şam İslam Dövləti” (İŞİD) terror təşkilatının İraqın şimalında yezidilərə qarşı hücumlarını və xristianların yaşadıqları ərazidən qovulmasını şərh edib.
Publika.az-ın Türkiyə mediasına istinadən verdiyi məlumata görə, Vatikanın Dinlərarası Dialoq üzrə Şurasının rəhbəri, kardinal Jan-Lui Tauranın adından yayılan açıqlamada dünyadakı bütün dinlərin nümayəndələrindən bu barbarlığın pislənilməsi istənilib.
“Bütün dünya müasir Türkiyənin qurucusu Mustafa Kamal Atatürkün 29 Oktyabr 1923-cü ildə son qoyduğu xəlifəliyin yenidən dirçəldilməsini heyrətlə izləyir”, -açıqlamada deyilir.
Əsrlərdir, müsəlmanlar və xristianların birlikdə yaşamaq mədəniyyətinə sahib olduğunu vurğulayan Tauran xüsusilə son illərdə iki din arasında əlaqələrin dərinləşdiyini qeyd edib.
Şərhlər