Ötən gecə Bakıda qəza baş verib.
Trend-in məlumatına görə, hadisə gecə saat 01:30 radələrində Səbail rayonu, Neftçilər prospektində qeydə alınıb.
Prospekt ilə hərəkət edən avtomobil idarəetməni itirərək Dənizkənarı Milli Parka girib və ağaca çırpılıb. Avtomobilin sürücüsü təcili yardım vasitəsi ilə 1 saylı Şəhər Kliniki Xəstəxanasına yerləşdirilib.
Xəstəxanadan Trend-ə verilən məlumata görə, 1994-cü il təvəllüdlü Məhəmməd Hüseynova döş qəfəsinin zədələnməsi diaqnozu qoyulub. Hazırda vəziyyəti normal qiymətləndirilir.
Şərhlər