Hesablama Palatasının növbəti kollegiya iclası keçirilib.
“Report”un verdiyi xəbərə görə, iclasda dövlət büdcəsinin əsaslı vəsait qoyuluşundan və ehtiyat fondlarından Əmək və Əhalinin Sosial Müdafiəsi Nazirliyinə ayrılan vəsaitlərin istifadəsinin auditinə dair hesabat dinlənilib. Bundan başqa, Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Şəmkir rayon şöbəsinə dövlət büdcəsindən ayrılan vəsaitlərin və Şöbənin məcburi dövlət sosial sığortası üzrə gəlirlərinin və xərclərinin icrasının auditinə dair, dövlət büdcəsindən Dövlət Statistika Komitəsinə ayrılan vəsaitlərin istifadəsinin auditinə dair hesabatlar müzakirə olunub. “Avtomobil Yolları” Məqsədli Büdcə Fonduna daxilolmaların hesablanılması, ödənilməsi və xərclərdən istifadə” mövzusunda təhlilə dair hesabat da iclasın müzakirə mövzuları arasında yer alıb.
Kollegiya iclasında hər bir nəzarət tədbiri üzrə Kollegiya qərarının layihəsi müzakirə edilərək təsdiq olunub. Həmin qərarların icrasını təmin etmək məqsədilə aidiyyəti dövlət qurumlarına təqdimatların göndərilməsi və audit tədbirlərinin nəticələri barədə məlumatların Milli Məclisə təqdim olunması qərara alınıb.
Şərhlər
Hesablama Palatasının yoxlamalarının nəticəsinə baxan var? Onlar bu nəticələri hara təqdim edirlər? Polisə.prokurorluğa,Prezidentə?
Mətbuatda dəfələrlə oxuduq ki, filan icra hakimiyyətlərində,filan Nazirliklərdə yoxlamalar aparıldı və filan qədər büdcə yeyintisi və sair aşkarlandı.Bunlardan hər hansı birində cinayət işi qaldırıldı,sorğu edildi? Əsla yox! Elə orada saxlandı.Misal istənilən qədər.
O zaman bu Hesablama Palatası niyə və kimə lazımdır?