MƏHKƏMƏ HAKİMİYYƏTSİZLİYİ...

Kimdir günahkar: gözübağlı Femida, yoxsa...

Bir fərmandan əvvəl və sonrakı düşüncələr

Xalid NİYAZOV

İçəri iki nəfər daxil oldu. Geyimi-kecimi yerində, bazburutlu. Keçib uzaq küncdəki masalardan birində əyləşdilər, çay sifariş verdilər. Tösmərək, daz başı salonun lay şüşə divarından keçən yaz Günəşinin şüalarında bərq vuran, qırmızı yanaqlarından tək yağ deyil, həm də ətrafına bir laübalıq, təşəxxüs və təkəbbür saçan qırmızısifət adamı tanıdım; yaxınlıqdakı məhkəmədə işləyirdi... bir başqa cür desək, 90-cı illərdə Aqil Abbasın yazdığı kimi... hakim maaşı alırdı.

Hiss eləyirdim ki, o da piy basmış gözünün ucuyla hərdən məni süzür və harada gördüyünü xatırlamağa çalışır. Mənsə onu çox yaxşı xatırlayırdım. Ümumiyyətlə, vicdanıyla alver edən, ləyaqətini nələrəsə qurban verən, haqq-ədaləti tapdalayıb keçən adamların cəmiyyət arasına hansı üzlə çıxdığı, arvad-uşağının, dost-aşnasının gözünün içinə necə baxdığı məndə həmişə cavabsız suallar doğurub. Belələrini zifaf gecəsi üzüqara çıxmış “gəlinə”, kişiliyin mənəvi-fizioloji rudimentinə bənzədirəm.

Yaxşı ki, dostlarla söhbətimiz də, söhbətə bəhanə olmuş çayımız da bitmişdi.

Və xəyalən Mirzə Cəlilin usta Zeynalı kimi iki dəfə yerə, bir dəfə də həmin hakimin ocaq üstündəki tava kimi qızarmış sifətinə lambırtı ilə tüpürüb bayıra çıxdım.

***

Pereat mundis et fiat justia!

Latıncadır. Təxmini tərcüməsi belədir ki, dünya məhv olsa da, ədalət bərqərar olsun.

Ölkə prezidenti İlham Əliyevin cəmiyyət həyatının ən müxtəlif sahələrini əhatə edən islahatları vətəndaşlarda rəğbət və məmləkətin sabahından yana müəyyən ümidlərlə müşayiət olunur – söyləsək, yəqin ki, hələ az demiş olarıq. Hər şeyi birdən, özü də kökündən həll eləmək müşkül məsələdir... illah da ki, azərbaycanlı mentaliteti ilə qanun, vicdan, ədalət kimi hüquqi və mənəvi kateqoriyaların kəllə-kəlləyə gəldiyi bir məkanda.

Dövlət başçısının məhkəmə-hüquq islahatları ilə bağlı ismarıclarından sonra 3 aprel tarixli “Məhkəmə-hüquq sistemində islahatların dərinləşdirilməsi haqqında” fərmanı işıq üzü gördü.

Bəzi obıvatellərin bu hadisəni bir “ilk” kimi qələmə verməsinə rəğmən ərz edək ki, ölkədə məhkəmə-hüquq islahatları, sənədin adından da göründüyü kimi, təzə başlamayıb, mabədini müstəqil Azərbaycanın 1995-ci ildə qəbul edilmiş ilk Konstitusiyasından götürür. Ötən 24 ildə bu təsərrüfatda həqiqətən də institusional sayıla biləcək böyük işlər görülüb; sahəvi qanunlar qəbul edilib, yeni məhkəmə binaları istifadəyə verilib, hakimlərin say keyfiyyəti artırılıb və s. və i.a.

Bəs mahiyyət necə, dəyişibmi? Məhkəmələrin işinin, hakimlərin fəaliyyətinin keyfiyyətinə necə, bu dəyişikliklər nüfuz edə bilibmi?

- Edib! – desək, riyakarlığa yol vermiş olarıq. Fərdi-merkantil maraqların göstəricisi olan kəmiyyət faktoru bu marafonda bir qayda olaraq paytaxt küçələrində qulaqlarımıza divan tutan “Formula - 1” bolidi kimi keyfiyyətə aman tanımır.

Nə qədər təəssüfedici olsa da, məmləkətin məhkəmə təsərrüfatı on-yüz minlərlə insanın dad döydüyü, qarğış tökdüyü, şikayət etdiyi ünvana çevrilib. Və bilirsinizmi bu məsələdə ən xoşagəlməz məqam nədən ibarətdir?

Üç-beş nadürüstün üzündən insanlarda bütövlükdə hakimiyyətin qollarına inamsızlıq yaranır. Həm də tək məhkəmə hakimiyyətinə deyil, həmin məhkəmələrdə tərəziyə qoyulan qanunları qəbul edən qanunverici hakimiyyətə, insanların hüquqlarını qorumağa vəzifəli olan icra hakimiyyətinə!

Ortada qazanan kimdir, itirən kim?!

Bəli, biz həmişə sözün abır-həyasına təcavüz edənləri qınamışıq, “reket jurnalist” adlandırmışıq, gen gəzmişik.

Müəllimləri “süpürgə pulu”, “şüşə pulu”, “gül pulu” yığmaqda qınamışıq.

Həkimləri insanların can sağlığını qazanc mənbəyinə çevirməkdə suçlamışıq.

Yol polisinə, həyət-bacasında yetişdirdiyi meyvə-tərəvəzi gətirib ucuz qiymətə satan kəndli qardaş-bacımıza “göz açmağa” imkan verməyən “postovoya”, kəmfürsət məmura, bir sözlə, əlindəki imkan və səlahiyyəti ilgək kimi soydaşlarının boğazına atıb çəkən hər kəsə layiq olduğu adı vermişik.

Lakin onların içərisində ən təhlükəlisi ədalət oğrularıdır. Adamın gözünün içinə baxa-baxa qanunlarla möhtəkirlik edən vicdan, şərəf, ləyaqət alverçiləridir.

Ulu öndərimiz Heydər Əliyevin peyğəmbərcəsinə söylədiyi bir kəlamı xatırlatmaq istərdim: - Dövlət inamsızlıq üzərində qurula bilər, ədalətsizlik üzərində yox!

***

Hakim danışan qanun, qanunsa lal hakimdir!

Böyük filosof və ritorik Siseronu 2100 il əvvəl bu sözləri söyləməyə hansı nədənlərin sövq etdiyi məlum deyil. Amma yaxşı ki, deyib.

Qızıl kimi sözlərdir... əyarı da üstündə. Ancaq görünür, rəhmətliyin vaxtında ədalət mühakiməsinə inam o qədər güclüymüş ki, hakimin haçansa ədalət İlahəsinin tərəzisinə kəc baxa biləcəyi, gözü bağlı xanıma “kəf gələ” biləcəyi heç kəsin ağlının ucundan belə keçmirmiş.

Aradan 21 yüzil keçib. Başqa ölkələri demirəm, özümüzdə – Azərbaycan məhkəmə sistemində, nəinki gözübağlı Femidaya və onun tərəzisinə, hətta bütövlükdə qanunlara, haqq-ədalətə, hakim etikasına, vicdan və ləyaqət kimi mənəvi-əxlaqi dəyərlərə xor baxanların sayı çoxalıb.

Heç şübhəsiz, ölkədə hüquqi islahatlar istiqamətində böyük işlər görülür. Prezidentin bu sahəyə diqqət və qayğısı barədə saatlarca danışmaq mümkündür. Məhkəmə islahatları aparılır, maddi-texniki baza gücləndirilir, hakim korpusunun peşəkarlıq səviyyəsinin artırılması üçün böyük işlər həyata keçirilir. Bütün bunlar danılmazdır.

Azərbaycan Prezidentinin son fərmanında da ölkənin hakim korpusuna bir çağırış var: “Azərbaycan Respublikasının bütün məhkəmələrinin sədrlərinə və hakimlərinə tövsiyə edilsin ki, məhkəmə hakimiyyətinin nüfuzunun artırılması və cəmiyyətdə məhkəmələrə etimadın möhkəmlənməsi üçün fəaliyyətlərində ədalət, qanunçuluq, qərəzsizlik, aşkarlıq, hər kəsin qanun və məhkəmə qarşısında bərabərliyi və Azərbaycan Respublikasının Konstitusiyası və qanunlarında təsbit edilmiş ədalət mühakiməsinin digər prinsiplərinə dönmədən riayət etsinlər”.

Unudanlara xatırladaq ki, cənab İlham Əliyev 2015-ci il noyabrın 4-də Şəki Məhkəmə Kompleksinin yeni inzibati binasının açılış mərasimindəki çıxışında da ədalət anlayışı ilə bağlı hər vaxtkı qətiyyətli mövqeyini bir daha ortaya qoymuşdu: “... məhkəmələrin qərarları ədalətli olmalıdır. Ümumiyyətlə, həyatda hər şey ədalət əsasında qurulmalıdır. Ədalət pozulduqda əlbəttə ki, həm narazılıq yarana, həm də, ümumiyyətlə, cəmiyyətin müsbət inkişafı çətinliklərlə üzləşə bilər. Ədalətli qərarlar həm insanlarda dövlətə inamı artırır, eyni zamanda, həyatımızı tənzimləyir. Bütün qərarlar ədalətli olmalıdır. Məhkəmə sistemində qəbul edilmiş qərarlar, aparılan islahatlar, bax, bu məqsədi güdür”.

Yəqin ki, bu qədəri yetər. Dövlət başçısı daha nə etməlidir? Ədalətli olsunlar deyə hakimləri “falaqqaya yatırmağımı” əmr etməlidir?!

15453794064654535686_1000x669

Məhkəmə təcrübəsinin ümumiləşdirilməsi və statistikası ilə məşğul olanlar ortaya belə bir rəqəm qoya bilərlərmi görək, Prezidentin iki çıxışı arasındakı vaxt ərzində məhkəmələrdən, hakimlərdən şikayət azalıb yoxsa artıb?

Yenə qayıdırıq fərmana. Prezidentin imzaladığı sənəd ən azından yolu bircə dəfə də olsun “ədalət sarayı”nın kandarından düşmüş, onun divarlarından ədalət umarkən “haqsızlıq zopası”na qonaq edilmiş vətəndaşlarımızın ürəyindən elə bil “yüzlük mismar” çıxartdı.

Deyilənlərə inansaq, “haqqını ver, ədalətini al” söhbətlərinin də hələlik “qulağını büküb” qoyublar bir kənara. Fərmanda Məhkəmə-Hüquq Şurasına da tövsiyələr yer alıb.

MHŞ-ın sədri F.Məmmədov Şuranın 2019-cu il 27 fevral tarixli iclasında ölkədə ədalət mühakiməsinin səmərəliliyinin artırılması istiqamətində ölkə prezidentinin rəhbərliyi altında ardıcıl islahatların keçirildiyini vurğulayaraq göstərmişdir ki, Məhkəmə-Hüquq Şurasının fəaliyyət göstərdiyi müddət ərzində hakimlər barədə 250-dən çox intizam icraatı başlanmış, 122 hakim qanunvericiliklə nəzərdə tutulmuş müxtəlif əsaslarla məhkəmə sistemindən kənarlaşdırılmışdır.

Və reallığa baxdıqda sövq-təbii düşünürsən ki, atam-babam, hələ ölkədə Məhkəmə-Hüquq Şurası var, hakimlər yüz oyundan çıxır, olmasaydı, halımız necə olardı?!

Lakin şəxsi təcrübəmizdən deyə bilərik ki, bəzən Şuranın hakimlərlə bağlı şikayətlərin öyrənilməsində ortaya qoyduğu ikili standartlar və s. bəzi hakimlərə “atı düzünə minib köndələn çapmağa” imkan yaradır.

İctimaiyyət yaxşı bilir ki, Ədliyyə naziri Fikrət Məmmədov bu sahədə can qoyur. Ali Məhkəmənin sədri Ramiz Rzayev, Bakı Apellyasiya məhkəməsinin sədri İman Nağıyev hər vasitə ilə məhkəmələrdən “vətəndaş məmnuniyyətini” təmin etməyə çalışırlar. On, iyirmi, əlli, bəlkə də yüz hakim var ki, öz fəaliyyəti ilə ortaya – Bax, bu cür işləmək lazımdır və mümkündür! – nümunəsini qoya bilir.

Ancaq azdır, bir gülnən bahar olmur.

***

Audiatur et altera pars!

Bu ifadə Roma hüququnun qarşı tərəfin də dinlənilməsinin imperativliyi ilə bağlı əsas prinsipini ehtiva edir.

Nə üçün xatırladıram?

Bir kimsə yandan replika ata bilər ki, onsuz da hakimin qərarı tərəflərdən biri üçün ədalətli, digəri üşünsə ədalətsiz görünə bilər.

Heç şübhəsiz!

Təxminən Çin sofistlərinin bu fikri kimi: - Eyni alma sağlam adama şirin, xəstəyəsə acı görünə bilər.

İkicə misal çəkəcəyəm:

- O şey dahiyanədir ki, əbədidir. Əbədi olansa ədalətli olandır.

- Hakimlər yaxşı olub qanunlar pis olunca, qanunlar yaxşı olsun, hakimlər pis.

Bu dəyərli fikirlər bəndənizə məxsus deyil. Təxminən eyni vaxtlarda yaşamış insanlara – birincisi böyük italyan mütəfəkkir-filosofu D. Ferrariyə, digəri görkəmli alman dövlət xadimi O. Bismarka aiddir.

İki dəyərdən söhbət gedir: ədalət – mənəvi kateqoriyadır, qanun – ali hüquqi qüvvəyə malik normativ aktdır.

Qanun kimlərinsə mənafeyinə, puluna, mənsəbinə, “telefon hüququ”na, tapşırığına boyun əyəndə deyil, həqiqətin təntənəsinə xidmət edəndə ədalətli olur.

Bəli, vətəndaş məhkəmə salonundan narazı gedə bilər. Ancaq o, hakimin verdiyi qərarın yeganə düzgün və ədalətli qərar olduğuna daxilən də olsa inanmalıdır.

İnanırmı?

Cavabını hələ də “ədalət sarayı”na çevirə bilmədiyimiz məhkəmə binalarının qarşısında tapmaq mümkündür.

***

Suyun lal axanı, hakimin yerə baxanı...

İxtisasca həm də hüquqşünas olduğumdan bəzən maraqlı görünən işlərlə tanış olmaq imkanını qaçırmıram.

Məsələn, adi bir nümunə. Ötən ilin sonlarında D.H. Bağırova adlı bir şəxs L.Z.Məmmədzadə adlı vətəndaş barədə Səbail Rayon Məhkəməsinə uydurma iddialarla xüsusi ittiham qaydasında şikayətlə müraciət etmişdir. Sonradan məlum olmuşdur ki, mübahisə lombard münaqişəsi əsasında yaranmışdır; belə ki, şikayətçi qarşı tərəfin lombarda girov qismində qoyduğu əmlakı qanuna zidd olaraq talan etməklə məşğul imiş.

Məhkəmə iş materiallarını araşdırıb, proses iştirakçılarının izahatını dinləyib, toplanmış sübutlara hüquqi qiymət verərək xüsusi ittiham qaydasında şikayət üzrə məhkəmənin hazırlıq iclasının nəticələri əsasında məhkəmə baxışının keçirilməsindən imtina edilməklə şikayətin geri qaytarılması barədə qərar çıxarmışdır.

Tərəf bir daha şikayət vermiş və bu dəfə də məhkəmə xüsusi ittiham qaydasında cinayət təqibinə başlayıb cəza təyin edilməsi barədə D.H.Bağırovanın xüsusi ittiham qaydasında şikayəti üzrə məhkəmə baxışının keçirilməsindən və şikayətin icraata qəbul edilməsindən imtina olunması barədə qərar çıxarmışdır.

Şikayətçi Səbail Rayon Məhkəməsinin qərarından apelyasiya şikayəti vermiş və iş Bakı Apelyasiya Məhkəməsinin hakimi Həsən Əhmədovun icraatına qəbul olunmuşdur.

Bununla da hər gün məhkəmələrdə müşahidə edilən tragikomediya bu dəfə həmin hakimin “rejissorluğu” ilə səhnələşdirildi. Lakin kifayət qədər köntöy, pinəçicəsinə, meydan oxuyacaq qədər açıq-aşkar qanunsuzluqlarla.

L.Z.Məmmədzadənin obyektiv səbəblər üzündən iclasın 3-4 gün ertələnməsi ilə bağlı teleqramına əhəmiyyət verməyən hakim H.Əhmədov israrlı şəkildə tərəfin vəkilinə zəng etdirərək prosesdə iştirakını tələb etmişdir. 22 oktyabr 2018-ci il tarixinə müəyyən edilmiş məhkəmə iclası baş tutmamışdır. Lakin hakimin hansısa maraqlar üzündən ədalətsiz qərar qəbul etmək istəyi sağlam hüquqi düşüncə və obyektiv qərar vermək kimi vəzifə borcuna o qədər güc gəlmişdir ki, vətəndaşın teleqramına, iş üzrə məhkəmə baxışında mütləq iştirak etməklə bağlı qanuni xahişinə məhəl qoymadan növbəti gün az qala təzyiq altında vəkilin məhkəmədə iştirakına nail olmuş və kifayət qədər qərəzli, tendensiyalı, maddi və prosessual hüquq normalarının pozulması ilə müşayiət olunan qərar çıxarmışdır.

Təsəvvürü belə utancvericidir; kifayət qədər hakimlik təcrübəsinə malik H.Əhmədov hansısa səbəblər üzündən 23 oktyabr 2018-ci il tarixdə işi yekunlaşdıraraq qərar qəbul etsə də, qərarın tarixini 22 oktyabr 2018-ci il olaraq göstərmişdir. Xeyr, bu texniki səhv deyildi. Hər nə qədər rüsvayçı və ağlasığmaz görünsə də, həmin fakt hakimin qərarının əvvəlcədən hazır olduğunu (- ?!) sübut edirdi.

Misal gətirdiyimiz işdə yol verilən bütün prosessual pozuntuları sadalamaqla oxucunu yormaq istəmirik. Sadəcə, sıradan bir nümunənin timsalında bəzi hakimlərin ədalət mühakiməsini necə məzhəkəyə çevirdiyini, qanunları necə təftiş etdiyini, insanları vətəndaşı olduqları ölkənin məhkəməsindən necə narazı saldıqlarını göstərmək istədik.

***

Axar su murdar götürməz!

Yəqin ki, baş verən hadisələrə bir qədər pozitiv də yanaşmaq olardı.

Artıq neçə ildir ki, ölkədə hakim korpusunun formalaşması prosesi şəffaf prosedurlar əsasında aparılır.

Hakim heyətinin təzələnməsi, gənclərə meydan verilməsi yaxşı haldır.

Bəli, hüquqa aid kitabları mütaliə eləməklə, qanunları əzbərləməklə, Türkiyədə, Avropada təcrübə keçməklə hakim olmaq mümkündür.

Amma siz də razılaşarsınız ki, həmin hakimlərə həm də ədalətli olmağı, vicdanlı olmağı, prinsipial olmağı öyrətmək gərəkdir. Həmin məziyyət və dəyərlərsə dərman-filan deyil ki, şprisə doldurub damara yeridəsən.

Heç şübhəsiz, ölkənin hakim korpusunun içərisində vicdanlı, prinsipial, qərar qəbul edərkən qanunun aliliyinə sığınan, adilliyini qoruyan, ədalətinə zaval gətirməyən, Allahını bir an belə olsun unutmayan, düzgün mövqeyi ilə adından qərar verdiyi dövlətinin başını uca edən hakimlər az deyil. İctimaiyyət onları tanıyır və hörmət edir.

Hər gün Azərbaycan məhkəmələrində minlərlə işə baxılır.

Hər gün yüzlərlə hakim Azərbaycan Respublikası adından hökm verir, qərar, qərardad, qətnamə çıxarır.

XIX əsrdə İngiltərənin baş naziri olmuş Dizraeli deyirdi ki, ədalət mühakiməsi həqiqətin hərəkətdə olan formasıdır.

Elə isə, görəsən, ölkə məhkəmələrinin çıxardığı qərarların neçə faizi həmin o həqiqətin təcəssümüdür?

Heç şübhəsiz, bu gün tutaq ki, Almaniyada, Fransada, lap elə həmin o Böyük Britaniyada sualın bu cür qoyuluşu heyrət doğurardı: necə yəni neçə faiz? Məgər məhkəmə baqqal dükanı, həqiqət və ədalət kimi bəşəri dəyərlərsə piştaxtadakı halva, yaxud mənfəətdirmi ki, qramla, faizlə ölçülsün? O ya var, ya da yoxdur!

Siz necə düşünürsünüz, VARMI?

635x100

Şərhlər

86 saylı orta məktəbin müəllimi Məmmədov Saleh İma 2019-05-04 16:17:57

XAHİŞ EDİRƏM DƏRC EDƏSİNİZ: "DÖVLƏT 2(iki) halda sarsıla bilər: Günahkar cəzasız qalanda, günahsıza cəza veriləndə" hüquqi məntiqi fəlsəfi kəlamı nəql etmiş dahi şəxsiyyət-siyasi filosof-yenilməz sərkərdə-müdrik azərbaycanlı ULU ÖNDƏR HEYDƏR ƏLİYEV FENOMENİNİN AZƏRBAYCAN XALQINA HƏM NƏSİHƏTİ VƏ HƏM DƏ VƏSİYYƏTİ OLAN AR KONSTİTUSİYASI BƏYAN EDİR Kİ: Maddə 147.I. Azərbaycan Respublikasının Konstitusiyası Azərbaycan Respublikasında ən yüksək hüquqi qüvvəyə malikdir. Maddə 24. I. İnsan ləyaqəti qorunur və ona hörmət edilir. Maddə 35.VI. Hər kəsin təhlükəsiz və sağlam şəraitdə işləmək, heç bir ayrı-seçkilik qoyulmadan öz işinə görə dövlətin müəyyənləşdirdiyi minimum əmək haqqı miqdarından az olmayan haqq almaq hüququ vardır. Maddə 25. Bərabərlik hüququ. Hamı qanun və məhkəmə qarşısında bərabərdir. İnsan və vətəndaş hüquqlarını və azadlıqlarını irqi, etnik, dini, dil, cinsi, mənşəyi, əqidə, siyasi və sosial mənsubiyyətə görə məhdudlaşdırmaq qadağandır.[10] Maddə 26.I. Hər kəsin qanunla qadağan olunmayan üsul və vasitələrlə öz hüquqlarını və azadlıqlarını müdafiə etmək hüququ vardır. Maddə 46. Şərəf və ləyaqətin müdafiəsi hüququ I. Hər kəsin öz şərəf və ləyaqətini müdafiə etmək hüququ vardır. II. Şəxsiyyətin ləyaqəti dövlət tərəfindən qorunur. Heç bir hal şəxsiyyətin ləyaqətinin alçaldılmasına əsas verə bilməz. III. Heç kəsə işgəncə və əzab verilə bilməz. Heç kəs insan ləyaqətini alçaldan rəftara və ya cəzaya məruz qala bilməz.

86 saylı orta məktəbin müəllimi Məmmədov Saleh İma 2019-05-04 16:17:57

XAHİŞ EDİRƏM DƏRC EDƏSİNİZ: İddiaçı olaraq tələbim aşağıdakılardan ibarət olmasına baxmayaraq ALİ MƏHKƏMƏNİN MÜLKİ İŞLƏR ÜZRƏ MƏHKƏMƏ KOLLEGİYASININ HAKİMİ: TATYANA xanım ALEKSANDROVNA QOLDMANIN 29 0ktyabr 2018-ci il tarixli 2(102)-8148/18 saylı BİLDİRİŞİNİ VƏ cavabdeh 86 saylı orta məktəbin direktoru ARZU ALLAHŞÜKÜR QIZI AZADƏLİYEVANIN KASSASİYA ŞIİKAYƏTİNİ YALNIZ 11 noyabr 2018 cil tarixdə POÇT VASİTƏSİYLƏ ALANDA MƏNƏ MƏLUM OLMUŞDUR Kİ, aydın olmayan səbəblərdən mənim kassasiya şikayətim cəmi 8(səkkiz) vərəqdən ibarətdir, HALBUKİ: 05 oktyabr 2018 il tarixli KASSASİYA ŞİKYƏTİ 42(qırx iki vərəqdən ) tərtib olunaraq notaruisda təsdiq olunmuş əmək kitabçamla birgə və digər sübutlar əlavə edilməklə RƏSMƏN APELLYASİYA MƏHKƏMƏSİNİN QƏBUL OTAĞINDA iddiaçı kimi məndə qalan 1(bir) nüsxəsi Bakı Apellyasiya Məhməkəsinin "QƏBUL ETDİM" "05 "10. 2018 il tarixli möhürüylə möhürlənərək və Əliheybətov tərəfindən imzalanaraq, 2(iki) nüsxədən ibarət TƏHVİL verilmiş və 1(bir) nüsxəsi isə vəkil AMİL DOSIYEVDƏ QALMIŞDIR:

86 saylı orta məktəbin müəllimi Məmmədov Saleh İm 2019-05-04 16:17:57

XAHİŞ EDİRƏM DƏRC EDİN: Apellyasiya məhkəməsinin dəftərxanasında rəsmi "05" 10.2018 "QƏBUL ETDİM" möhürüylə və Elman müəllim ƏLİHEYBƏTOVUN imzasıyla qəbul edilmiş sübut olaraq 1(bir) nüsxəsi məndə qalan və 2(iki) nüsxəsi təhvil verilən Bakı Apellyasiya Məhkəməsinin 16/07.2018-ci il tarixli iş №2(103)-1461/2018 saylı qətnaməsindən 05.10.2018-ci il tarixdə verilmiş KASSASİYA ŞİKAYƏTİYA OĞURLANMIŞ VƏ YA HANSISA VƏZİFƏLİ ŞƏXS CİNAYƏRTKARCASINA VƏZİFƏ SAXTAKARLIĞINA YOL VERMƏSİ NƏTİCƏSİNDƏ DƏYİŞDİRİLMİŞDİR! KASSASİYA ŞİKAYƏTİ HAZIRLANDIĞI DÖVRDƏ BİLAVASİTƏ VƏ DOLAYI YOLLARLA ali məhkəməyə kassasiya şikayətinin verilməsinə aşağidaki maneçiliklər törədilmişdir: APELLYASİYA MƏHKƏMƏSİNİN HAKİMİ FUAD TALIŞINSKİ VƏ RƏSMİ NİGAHDA OLDUĞUM HƏYAT YOLDAŞIMI 86 saylı orta məktəbin ingilis dili müəlliməsi Məmmədova İlahə Tofiq qızını 22 NOYABR 2014-CÜ İL TARİXDƏ AVTOMOBİL QƏZASINDA ÖLDÜRƏN sabiq deputat Ayaz Orucovun bacısı oğlu Orxan Əhməd oğlu HÜMBƏTZADƏNİN aid olduğu mafioz qruplaşmanın AZƏRBAYCAN DÖVLƏT İDARƏÇİLİK SİSTEMİNDƏ OLAN MAFİOZ GÜCÜ SAYƏSİNDƏ BU GÜNƏDƏK AĞIR CANAYƏT HADİSƏSİYLƏ BAĞLI HEÇ BİR ORQAN TƏRƏFİNDƏN İSTİNTAQI APARILMADIĞINDAN MƏHKƏMƏ QAYDASINDA BAXILMAYARAQ HEÇ BİR CƏZA TƏTBİQ EDİLMƏDİYƏN MAFİOZ QRUPLAŞMANIN SİFARİŞİNİ YERİNƏ YETİRƏN: VƏKİLLƏR KOLLEGİYASININ VƏKİLİ ELXAN AZADƏLİYEV HƏYAT YOLDAŞI 86 SAYLI ORTA MƏKTƏBİN DİREKTORU ARZU ALLAHŞÜKüR QIZI AZADƏLİYEVAYLA ƏLBİRÇİLİK EDƏRƏK MƏNƏ ŞƏR-BÖHTAN ATMAQLA 2(iki) cəza verməklə 26 ildir ki, TEXNİKİ ƏMƏK MÜƏLLİMİ PEŞƏM ÜZRƏ İŞDƏN və məktəbin TƏSƏRRÜFAT İŞLƏRİ ÜZRƏ DİREKTOR MÜAVİNİ vəzifəsindən azad edərək 4(dörd) ilə yaxındır ki, ÖZÜM VƏ AİLƏ ÜZVLƏRİM FİZİKİ VƏ MƏNƏVİ TERRORA MƏRUZ QALMAĞIMLA BAĞLI APELLYASİYA ŞİKAYƏTİ VERMƏYİMƏ BAXMAYARAQ BAKI APELLYASİYA MƏHKƏMƏSİNİN HAKİMİ FUAD TALINŞINSKİ etnik-TALIŞ AQRESSİV ŞOVİNİZMİNƏ VƏ MAFİOZ QRUPLAŞMALARIN TERROR ƏMƏLLƏRİNƏ AÇIQ DƏSTƏK OLARAQ ƏDALƏTSİZ 16/07.2018-ci il tarixli iş №2(103)-1461/2018 saylı apellyasiya məhkəməsinin qətnaməsinin çıxarılmasına nail olduğuna görə AR ALİ MƏHKƏMƏSİNƏ 13 saylı hüquq məsləhətxanasının vəkilinin hazırladığı və imzaladığı və mənim də imzaladığım, həmçiminin Apellyasiya məhkəməsinin dəftərxanasında rəsmi "05" 10.2018 "QƏBUL ETDİM" möhürüylə və Elman müəllim ƏLİHEYBƏTOVUN imzasıyla qəbul edilmiş sübut olaraq 1(bir) nüsxəsi məndə qalan və 2(iki) nüsxəsi təhvil verilən 05 0KTYABR 2018-CİL TARİXLİ KASSASİYA ŞİKAYƏTİ YA OĞURLANMIŞ VƏ YA HANSISA VƏZİFƏLİ ŞƏXS CİNAYƏRTKARCASINA VƏZİFƏ SAXTAKARLIĞINA YOL VERMƏSİ NƏTİCƏSİNDƏ DƏYİŞDİRİLMİŞDİR!

86 saylı orta məktəbin müəllimi Məmmədov Saleh İma 2019-05-04 16:17:57

XAHİŞ EDİRƏM DƏRC EDİN: RƏSMİ NİGAHDA OLDUĞUM HƏYAT YOLDAŞIM 86 saylı orta məktəbin ingilis dili müəlliməsi Məmmədova İlahə Tofiq qızının 22 NOYABR 2014-CÜ İL TARİXDƏ DÖVLƏT QAÇQIN KOMİTƏSİNİN SOSİAL İNKİŞAF FONDUNUN DİREKTORU OLMUŞ Ayaz Orucovun bacısloğlu, MTN əməkdaşı Əhməd Hümbətovun oğlu BDU hüquq fakultəsində oxuyan Orxan Hümbətzdə tərəfindən ağır yol qızasına salınaraq öldürülməmişdən əvvəl də, BU MAFİOZ QRUPLAŞMA-FAKTİKİ OLARAQ DÖVLƏT QAÇQIN KOMİTƏSİNİN SOSİAL İNKİŞAF FONDUNUN DİREKTORU OLMUŞ Ayaz Orucovun ÖZ DOĞMA oğlu 2014-CÜ İLİN MART AYINDA Azadlıq prospektində az 10 BB 111 NÖMRƏLİ ağ rəngli “mersedes -GALENDEVAGENLƏ” ağ rəngli “nissan-JUKE” markalı az 90 NX 685 dövlət nömrə nişanlı avtomobildə olan 2(iki) qadını təqibə və təhdidə məruz qoyaraq həmin şəxslərə iki qadın - sürücü Ramilə Süleymanova və onun sərnişini Aynurə Novruz qızı Cəfərova qarşı terror əməlinə yol verərək avtoməbillərinə 8(səkkiz) dəfə atəş açaraq CİDDİ ZİYAN VURMUŞDUR və ALDIĞIM MƏLUMATA GÖRƏ HEÇ BİR MƏSULİYYƏTƏ CƏLB EDİLMƏMİŞDİR. ƏSAS: 1. http://www.mia.az/w102733/Deputat%C4%B1m%C4%B1z%C4%B1n_o%C4%9Flu_2_qad%C4%B1na_8_g%C3%BCll%C9%99_atd%C4%B1_-_Video/ Deputatımızın oğlu 2 qadına 8 güllə atdı – Video 2. https://www.youtube.com/watch?time_continue=103&v=WDbMmMPgvXM Deputat oğlunun güllələdiyi qızın atası danışdı ... VƏ RƏSMİ NİGAHDA OLDUĞUM HƏYAT YOLDAŞIM 86 saylı orta məktəbin ingilis dili müəlliməsi Məmmədova İlahə Tofiq qızının 24 NOYABR 2014-CÜ İL TARİXDƏ ağır yol qızasına salınaraq öldürülməsiylə bağlı DÖVLƏT ORQANLARINA ŞİKAYƏTİMDƏN SONRA ÖZÜMƏ VƏ ƏDALƏTİN BƏRPA OLUNMASI ÜÇÜN MƏNƏ DƏSTƏK OLANLARA QARŞI TƏHDİDLƏR, TƏZYİQLƏR VƏ TƏQİBLƏR BU GÜNƏ KİMİ artıq 4(dörd) ildir ki, DAVAM ETMƏKDƏDİR.

Həqiqət 2019-05-04 16:17:57

..Sadə xalq üçün Yalnız rüşvət əsasında Qərarlar, yuxarılar üçün sifarişlə Qərarlar... F.Məmmədovun qəbulunda olmuşam. Özü də mənim kimi çox narazılıq bildirib... .

EJDER 2019-05-04 16:17:57

HA HA HA ....BU SISTEM BELE QURULUB.QOHUM EQRABE IDAREETME USULUDUR. WIKAYET,MIKAYET BOW WEYDI.EGER DEYIRLERSE ,GET KIME ISTEYIRSEN WIKAYET ELE.BU ONU GOSTERIR KI,DEREBEYLIKDI.ISLAHAT ZAD QOZDAN PERDE ASMAQDI,NESE ,KEYF ELEYIN,BIZIM HER WEYIMIZ ANALOQSUZDU

HARAY HAZİ 2019-05-04 16:17:57

Amma nəzarətedici orqan haqqında danışığına baxın. Özünə tam arxayındır ki, ona heç nə etməyəcəklər. Vay Azərbaycan vətəndaşlarının halına. Hesab edirəm ki, Möhtərəm Prezidentin vətəndaşların nahaqdan incidilməməsi haqda tapşırığını hakimlər (hamısına aid deyil) nəzərə alsaydılar, qərar qəbul edərkən özlərinin şəxsi mənafelərini önə çəkməzdilər. Kaş məhk.-də qərarlarına hörmət etdiyim Zülfiqar Sadiqov, Ramil Həsənov (Surax. M-si), Hökümə Babayeva (2 say. BİİM), Rizvan Səfərov (Ap. M-si) kimiləri çox olardı.

HARAY HAZİ 2019-05-04 16:17:57

Bakı AP. Məh.-nin hakimləri Namiq Məmmədov və Əflatun Qasımov (haqlı olan bu hakimdən heç vaxt razı qalmayıb) onun bu qanunsuzluğunu ört-basdır etdilər, çünki məhbusun atasından 2000 manat tələb edən döv. itt.-çısı İlkin bu barədə Ə. Qasımova deməmişdi. Zəngilan RM hakimi Gülsarə İmanova qanunsuz qərar verir, deyir qərarımdan ap. şik. ver. Deyirəm verəcəm, ləğv ediləndə özünüzdən MHŞ-na şik. verəcəm. İstaehza ilə gülüb deyir ki, MHŞ iqruşkadır. Azərbaycanda hakimlik edir, Az. dilini belə yaxşı bilmir,(ardı

HARAY HAZİ 2019-05-04 16:17:57

Vətəndaşlardan xahiş edirəm ki, məhkəmələrdə qanunsuzluqlarla üzləşdikdə dərhal Respublika Prezidentinə və MHŞ-na yazsınlar, həm də çoxlu sayda, məsələni ictimailəşdirsinlər. 9 saylı CM məhbusunun atasından aldadaraq 5000 manat alıb qanunsuz qərar verən Sabunçu RM-nin hakimi Fəqan Əhmədov həmin pulu qaytarmırdı, güc-bəla ilə geri aldıq. Xəzər RM-nin hakimi Əkrəm Qəhrəmanovun həmin məhbus (təsadüfən avtoqəza törətmişdi) barədə verdiyi qərara əsasən onun səlahiyyətlərinə dərhal xitam verilməli idi, lakin (ard

HARAY HAZİ 2019-05-04 16:17:57

Xalid müəllimin savadına, biliyinə bələdəm. Məhkəmələr haqqında çox düzgün yazıb, lakin çox az yazıb. Məhkəmələr (bəzi hakimləri çıxmaq şərtilə) Azərbaycan Respublikasının adından qərar verir, ancaq özlərinin bazar qanunları ilə, heç kimdən də qorxmurlar. Əlimdə çoxlu faktlar var. Ölkə başçısına və MHŞ-na təqdim edəcəm. Təklif edirəm ki, islahat zamanı bir şərti də əsas kimi qoysunlar: Bir hakimin müəyyən müddət ərzində müəyyən edilmiş sayda qərarı ləğv edilərsə, dərhal səlahiyyətinə xitam verilsin.

Fikrət Hacıyev 2019-05-04 16:17:57

Kəpəz Rayon Məhkəməsinin hakimi Rəşad Mustafayev və Gəncə Apellyasiyia Məhkəməsinin hakimi Çingiz Məmmədov GDU rəhbərliyindən rüşvət alıb Xocalı soyqırımından sonra könüllü Milli Orduya gedən tək GDU əməkdaşı kimi məni guya dekan müavinini döydüyümə görə 500 manat cərimə etdilər və icraat başlayan kimi işimi yenə itirəcəyəm. 2012-ci ildə işimi birinci dəfə itirəndə 52 və 29 sutkalıq iki aclıq aksiyası keçirib, 15 məhkəmə qərarından sonra Heydər Əliyev Fondunun hüquqi yardımı hesabına 17 aylıq itirilən əmək haqqımı ala bilmişdim. Əgər Mehriban xanımın bu köməyi olmasaydı, universitetin I və II kurs tələbələri olan övladlarım təhsillərini bitirə bilməyəcəkdilər. Hakim Çingiz Məmmədova qərarı oxumamış bildirəndə ki, Respublika Prezidentinə apellyasiya şikayətim təmin olmasa aclıq aksiyasına başlayacağımı yazmışam, o həyasızlıqla dedi ki, mənim qərarıma heç Respublika Prezidenti də təsir edə bilməz. Bu hakim qanunla qərar qəbul etsə idi, onun bu sözlərini ancaq alqışlamaq olardı. Ancaq GDU məmurlarından xırda miqdarda rüşvət alıb, müharibə veteranını 19 sutkalıq aclıq aksiyasına məcbur edən bu rüşvətxor hakimdən bu sözləri eşitmək çox qəribə idi. 14.03.2019 tarixdən 2 polis zabiti və 2 hakim barəsində CM 311.2 maddəsi ilə cinayət işinin başlanılması xahişi ilə Gəncə Prokurorluğuna ərizə yazmışam. Gəncədə uzun illər ən ağır cinayətləri ört basdır etməklə məşğul olan Gəncə Prokurorluğu rüşvətxor hakimləri həbs edəcəkmi indi???

Hacı 2019-05-04 16:17:57

Allah bizi ölkəmizin ədalətsiz (çox təəssüf hələ də rastlaşdığım və tanıdığım hakimlərin heç birində ədalətlisini görməmişəm) hakimlərindən qorusun. 2000-ci ildən sonra məhkəmələr həm savadsız olub və həm də, özbaşına olublar, hərəsi müxtəlif cür qərar qəbul edir. 2 saylı Bakı İnz.İqtisad. məhkəməsinin sədri Bəşirov Çingiz nə ilə məşğuldur bilinmir. Eləcə də hakimləri. Bakı Apel. Məhkəməsində lap qanunsuzluq baş alıb gedir. Eləcə də Ali Məhkəmədə.

Cəmşid Dərələyəzli 2019-05-04 16:17:57

Bu yaxınlarda cənab Prezident Məhkəmə-Hüquq sistemində islahatların aparılması ilə bağlı fərman imzaladı və bununla bağlı Məhkəmə_hüquq şurasında qaynar xətdə yaradıldı Həmin xəttə ilk zəng edənlərdən biri oldum. 1 həftədən sonra köhnə qayda ilə evə məktub gəldi ki, mənim şikayətimi göndəriblər şikayət etdiyim məhkəmələrə onlar mmənə cavab verəcəklər. Görünən o ki, başda Ədliyyə naziri olmaqla hazırki məhkəmə instansiyaları sədrləri ilıə bağlı islahat aparılmasa bu islahat yürüməyəcək.

Zakatala Rayon Məhkəməsində 2019-05-04 16:17:57

Zakatala Rayon Məhkəməsində Hakimi Korrupsiyada günahlandırırlar, bəs Məhkəmənin sədri Elburus nə üçün kənarda qalıb ? Biz həqiqətən düzgünlük axtarırıqsa, zakatala Rayon Məhkəməsində köklü kadr dəyişikliyi olmalıdır və Elburusda Korrupsiyada günahlandırılmalıdır ?

Məhəmməd 2019-05-04 16:17:57

Hər kəs qarşısında subut edə bilərəm ki, Sumqayıt şəhər məhkəməsinin sədri Zeyqəmin və hakimi təHminənin, Sumqayıt apellyasiya məhkəməsinin sabiq hakimi həmiD həmiDovun, alİ məhkəmƏnin hakimi kəlbƏliyevin misalında AZƏRBAYCAN məhkəmə sistemi KOLXOZ bazarıdır və ya drijorsuz orkestirdir.....P.S. Avropa Məhkəməsinin Azərbaycan bürosunun işçiləri isə xarici olkə vətəndaşları olan azərbaycanlılardır.... İKİLİ standartlardan şikayətlənənlər öz vətəndaşlarına ikili standartlar tətbiq etməməlidir!!!!!!!!!!!!!!!

Geber 2019-05-04 16:17:57

Millikişi !daqiqliya aparan yolun bir niwanini islami hissiyatla tapsanizda ,diqar elmi praktik Net cavabi alifbasi har millat ucun nardivan pillari vardir .Nainki var ,cox cuzi xarclarla kosmik wuur peyklarini wuurda qurawdirmaq kibernetikasi da vardir . Bunu etmayin yuz qat faydasini da dovlatin yiyasina izah etmak yolu da vardir .Qabaqlar buna ehtiyac ola bilsin olmayib ,lakin Ukraynali talxak Zelenskinin tez zamanda ritorikasinin tufanindan sonra ;-cec olacaq , olka talxaklarla manislara qalacaq.

yalçın 2019-05-04 16:17:57

ədliyyə, yəni ədalət baxan-paxanlığında işləyənlərin hamısı bu ərəb sözünün dilimizdəki anlamını bilməyib və bilmirlər, necəki təhsil nəzirlik-paxanlığında uğraşanlar təhsil sözünün nə demək olduğu sualıma hələ 10-15 il öncə cavab verə bilməmişdilər..nəyə xidmət etdiklərini bilməyənlər mütləq şəkildə kiməsə xidmət edirlər..qısa anlamını yazıram bu sözlərin bilməyənlər üçün: ədalət-ayırdetmə *pisi yaxşıdan, xeyri şərdən), təhsil -yetişdirmə..eğitimsə yeyetmə, yəni yaxşılaşdırma sözündəndir elə education da

Millikişi 2019-05-04 16:17:57

Bilirsiniz, ƏDALƏT istər geniş, bəşəri anlamda, istərsə də yurisprudensiyada, vurğuladığınız kimi, «YA VAR, YA DA YOXDUR!» ƏDALƏT ictimai, siyasi, mənəvi, sosial, dini, psixoloji, elmi, mədəni dəyərlərin, adət və ənənələrin əsrlər boyu bütövlükdə evolyusiya yolu ilə formalaşıb topluma mədəni xalq statusu qazandırıb şüurlarda həkk olunan kateqoriyadır. Lakin təəssüflər olsun ki, sözügedən ƏDALƏT ümumən islam dünyasında və deməli bizdə də, «HƏM VAR, HƏM DƏ YOXDUR!». Çünki, bu kəsim hələlik feodal şüuru ilə yaşayır, sözün əsl mənasında mədəni xalq statusuna sahiblənməyib. Bu toplumda seçilən bircə Türkiyə idi, təəssüflər orada da ədalətin mürtəceləşməsinin şahidiyik. Cənab Prezident bütün sahələrdə zəruri islahatlar həyata keçirir və hələ bunlardan başqa gözlənilən daha nələr-nələr olacaq. Belə isə, peşəsindən, ixtisasından, savadından-səriştəsindən və s. asılı olmayaraq cəmiyyətimizin bütün fərdləri vətəndaş olaraq ilahi ədalətə dair Ulu Öndərin: «Ədalətsizliyi ədalətsizliklə yox, ədalətsizliyi ədalətlə aradan qaldırmaq lazımdır»!!! tövsiyəsinə əməl etmək iqtidarında olan mədəni toplumuqmu? Məncə, yox! Bax budur əsas problemimiz. Problem yüzilliklərlə geri qalmış islam dünyasının ali insani dəyərlərin şahı olan ədalətə münasibətində gerizəkalığındadır!!! Və s. və i.a. P.S. Maderator, lütfən qayçılamayın. Ya tam buraxın, ya da heç buraxmayın.

Vətəndaş 2019-05-04 16:17:57

Hakimliyə namizədlər sırasında Yüksək bai (85-90) toplayanlar sonrakı mərhələdə sıradan çıxarmışıar, ancaq 60- bal toplayanlar Hakim təyin olunmuşlar.. Bunların cünahkarları Məhkəmə Hüquq Şurası deyil, bəs kimdir ? Hakimliyə Namizədlər arasında Yüksık bal toplayan namizədləri araşdırıb, siyahıları ortaya çıxartmalı və Hakimliyə təyinat almalıdırlar...

Geber 2019-05-04 16:17:57

Bizlərin şuur düsturu qədim bir qifillama cadu yazisinda yazilib_ Əl fürsutu təməüruu mərha sihab *Fursət bulud kimidir ğəldi yağdi ğetdi tuta bilməzsən. Bizləri bu dusturun tələbinə zidd : cadulayanda alin yazimiza belə yaziblar Fursət bizlərdən kimin əlinə duşdusə , əlində dəyənək ədalətin şirin dəryasi olsa da belə , qabaqini hasarlayacaq ki bir cömcə kim dəryadan icsə hami ona nifrət edəcəkdir yaxşida yolunu azacaqdir Verği Naziri ,hakim ,dustaq naziri və ya şofer cəm fursət kimidir

t.ədalət 2019-05-04 16:17:57

Günahkar hakimiyyətin rüşvət torbasıdır.Hakimlər pul verib vəzifə alanda belə olacaq.Təkcə hakimlər deyil,məmurlar da rüşvətlə vəzifə və rütbə alanda zalım olurlar.Onları qanunlara uyğunlaşdırmağın yeganə yolu rüşvət torbalarını cırıb atmaqdır.Xüsusilə, apelyasiya deyilən məhkəmələr imkanlıların əlində oyuncağa çevrilib.PS.İndi biznesə girişib verginin zavalına gəlincə,qohum-əqrəbanın köməyi ilə pul toplayıb vəzifə almaq və vergidən çəkinmədən qorxusuz-hürküsüz milyonları toplamaq daha sərfəlidir.

Geber 2019-05-04 16:17:57

Xalid Niyazov hec wubhasiz , darin analtik , etik falsafi matnlari ila , insanlari duwundurma bacariqi ila birincilar sirasindadir Birca alavam var ;_muhakima etmak ucun yararli farfd;-ozundan olan diqarina ozuna qarwi da eyni munasibatin olmamasi haqda ,darin amredici instinktlarin olmasi ,ozumuzdan olan diqarina ;_ qarei suurlu qarar vermak imkanini anadanqalma mahdudlawdirmiwdir. Yani ,ki bir milyon azeridan diqarinin da maraqini nazara alib hokm vermasi yalniz uc bew insanda tasadufdan ola bilar .

yalçın 2019-05-04 16:17:57

indi propaqandistlərin bu tipli yazıları yuxarıdan gələn siqnaldan sonra ayılma kimi bir şeydir

Son yazılar