Ekologiya və Təbii Sərvətlər Nazirliyi (ETSN) Xətai rayonu, M.Hadi küçəsi, 93/99 ünvanında ağacların kəsilməsinə münasibət bildirib.
"Report"un xəbərinə görə, nazirliyin rəsmisi İradə İbrahimova jurnalistlərə açıqlamasında bildirib ki, bu il mayında 5-də Ekologiya və Təbii Sərvətlər Nazirliyinə Xətai rayonu, M.Hadi küçəsi, 93/99 ünvanında ağacların kəsilməsi ilə bağlı daxil olan şikayət təkrarən nazirliyin əməkdaşları tərəfindən yerində araşdırılıb: "Əraziyə keçirilən baxış zamanı yaşıllıq sahəsində mülkiyyətçi Həzrət Temirov tərəfindən 25 meyvə ağacının kəsildiyi, 2 zeytun ağacının və 96 nar kolunun köçürüldüyü, 8 çoxillik şam və qovaq ağacının isə yerində qaldığı müəyyən edilib. Kəsilən ağacların əvəzinə yeni ağacların əkilməsi, köçürülən ağaclara isə aqrotexniki xidmət göstərilməsi ilə bağlı torpaq mülkiyyətçisinə nazirlik tərəfindən “məcburi göstəriş” verilib.
Xatırladaq ki, Ekologiya və Təbii Sərvətlər Nazirliyinə sözügedən ünvanda ağacların kəsilməsi ilə bağlı 16 aprel 2019-cu il tarixində də şikayət daxil olmuşdu. Araşdırma zamanı M.Hadi küçəsi, 93/99 ünvanında 0,24 hektar yaşıllıq sahəsinin tikinti məqsədilə Bakı şəhər İcra Hakimiyyətinin 2013-cü il tarixli sərəncamı ilə vətəndaş Həzrət Temirova ayrıldığı müəyyən edilmişdi. Ərazidəki 131 müxtəlif cinsli ağac Nazirliyin əməkdaşları tərəfindən qeydiyyata alınaraq torpaq mülkiyyətçisinə təhvil verilmişdi".
İ.İbrahimova onu da xatırladıb ki, sözügedən ünvandakı ağacların kəsilməsi və köçürülməsi ilə bağlı 28 mart 2019-cu il tarixində mülkiyyətçinin oğlu Rüstəm Temirov, 3 aprel 2019-cu il tarixində isə Xətai Rayon İcra Hakimiyyəti tərəfindən nazirliyin Dövlət Ekspertiza İdarəsinə müraciət olunub, lakin yaşıllıqların toxunulmaz qalması məqsədəmüvafiq hesab edilib, ağacların köçürülməsi və kəsilməsinə icazə verilməyib.
Şərhlər
Nəzrətə (əstəğfurillah)bərpa tapşırığı hekayəyə bənzəyir.Sahəni əvvəlki hala gətirmək mümkün deyil:
1.kəsiən ağaclar artıq kəsilib,ölüb!Onları əvvəlki hala gətirmək olmaz! 2.Kəsilən ağaclar br cox illərdir inkişaf edib,böyüyüblər.Bu gün əkilən ağacların o boyda olmasına illər gərəkdir;
3. May ayında ağac əkilməz,Əkilsə də bitməz.Çünki ağacların əkilmə vaxtı (yarpaqlamamış,yəni noyabrdan-marta qədər) var.Əgər indi ağaclar yerdən çıxarılıb başqa yerdə əkilərsə bitməzlər.
Ona görə aldadıcı qərardır.
Kəsilən 30-45illik ağacların yerində əkilən ağaclar 30-40 ildən sonra o ölçüdə ola bilərlər.Bundan başqa ilin may ayında Azərbaycanda ağac əkilərmi və köçürülür dediyiniz 96 ağac may ayında yeni yerdə əmələ gələ bilərmi?
Bu ağaclara soyqırımdır.Məsələ ciddi araşdırılmalıdır.Eyni zamanda bu qədər ağacı olan sahəyə qərar verənlər də məsuliyyətə alınmalıdır. Azərbycanda ağac noyabr-mart aylarında əkilir.