Bu gün Bakıda güclü yanğın olub. Lent.az-ın Fövqəladə Hallar Nazirliyinin saytına istinadən məlumatına görə, Yasamal rayonunda vətəndaşa məxsus səhmdar cəmiyyətin ərazisində, birmərtəbəli ümumi sahəsi 830 kvadrat metr olan 13 otaqlı tikilidə güclü yanğın başlayıb.
Hadisə zamanı tikilinin 3 otağının və dam örtüyünün yanar konstruksiyaları 200 kv.m sahədə yanıb. Binanın qalan hissəsi yanğından mühafizə olunub. Yanğın saat 16:38-də yanğınsöndürənlər tərəfindən söndürülüb.
Hadisənin səbəbləri araşdırılır.
Şərhlər