Ermənistanın xarici işlər naziri Zöhrab Mnasakanyan rusiyalı həmkarı Sergey Lavrovla telefon danışığından sonra arterial təzyiqi qalxıb. “Report” xəbər verir ki, bunu “168 jam” qəzeti yazıb.
Bildirilib ki, ötən həftə Zöhrab Mnasakanyan iş yerinə özünü pis hiss edib. Ermənistanın Xarici İşlər Nazirliyinə təcili tibbi yardım çağırılıb. Həkimlər onun arterial təzyiqinin birdən artıdığını müəyyən ediblər.
“XİN-dən olan mənbə təsdiqləyib ki, Zöhrab Mnasakanyanın təşəbbüsü ilə rusiyalı həmkarı Sergey Lavorv arasında telefon danışığı olub. Danışıq çox çətin və ağır keçib. Telefon danışığının detalları hələ ki, məlum deyil. Bununla belə danışğın Ermənistan nazir üçün arzuedilməz istiqamətdə keçdiyi göz önündədir”, - deyə qəzet vurğulayıb.
Şərhlər