Sosial şəbəkələrdə qızları aldadaraq fahişəliyə cəlb etməkdə təqsirləndirilən Cəlal Mehdiyevin cinayət işi üzrə ibtidai istintaqı başa çatıb.
"Report"un xəbərinə görə, Nərimanov Rayon Polis İdarəsinin (RPİ) İstintaq Şöbəsində istintaqı aparılan cinayət işi baxılması üçün məhkəməyə göndərilib.
Nərimanov rayon Məhkəməsində hakim Vüsal Qurbanovun icraatına verilən iş üzrə hazırlıq iclası yaxın günlərdə keçiriləcək.
Qeyd edək ki, Cəlal Mehdiyev Daxili İşlər Nazirliyinin İnsan Alverinə qarşı Mübarizə Baş İdarəsinin əməkdaşları tərəfindən saxlanılıb. O, Cinayət Məcəlləsinin 243.1-ci (gəlir və ya digər fayda əldə etmək məqsədi ilə fahişəliyə cəlb etmə) maddəsi ilə ittiham edilir. İş üzrə 5 qadın zərərçəkmiş qismində tanınıb.
Şərhlər