HƏBSXANADA NÖVBƏTİ VƏHŞİLİK - Azərbaycanlı məhbusa da işgəncə verilib + VİDEO(18+)

Rusiya mətbuatında həbsxana gözətçilərinin məhbuslara qarşı törətdikləri qanunsuzluqları, işgəncələri əks etdirən kadrlar yayımlanıb. “AzPolitika.info” xəbər verir ki, həmin kadrlarda işgəncəyə məruz qaldığı aşkar görünən iki məhbusdan biri azərbaycanlıdır.

Belə ki, məhbuslara qarşı “profilaktik tədbirlərlə” bağlı rəhbərliyə məruzə edən həbsxana işçisi onlardan birinin Abdullayev Coşqun Əhmədiyyə oğlu olduğunu deyir. Bildirir ki, C.Abdullayevin üzərində bir ədəd üzqırxan aşkarlanıb. Kadrlardan o da görünür ki, C.Abdullayev həbsxana işçilərinin hücumuna məruz qalarkən özünə xəsarətlər yetirməyə çalışır. Daha sonra onu yerlə sürüyərək, döyürlər.

Qeyd olunur ki, bu kadrlar həbsxana işçisinin üzərindəki kamera vasitəsilə qeydə alınıb. Həmin görüntülərin məhbuslara qarşı işgəncələri əks etdirən hissələri pozulsa da, sonradan ekspertlər onları bərpa edə biliblər.

Bu görüntülər Rusiyada ciddi əks-səda doğurub və hüquq müdafiə təşkilatlarının müdaxiləsindən sonra həbsxana işçilərinə qarşı cinayət işi açılıb. Qeyd edək ki, hadisə Yaroslavl şəhərindəki 1 nömrəli həbsxanada hələ 2016-cı ildə baş versə də, onun görüntüləri yeni üzə çıxıb və bundan dərhal sonra baş verənlərlə bağlı cinayət işi açılıb.

Kadrlarda göstərilir ki, C.Abdullayev 3 il yarım müddətinə azadlıqdan məhrum edilib. Onun artıq neçə müddət həbsxanada olduğu isə bildirilmir. Bunları nəzərə alsaq, güman etmək olar ki, həmin şəxs artıq azadlıqdadır.

AzPolitika.info

635x100

Şərhlər

t.ədalət 2019-07-17 14:45:42

Rusiya və ruslar azərbaycanlılara qarşı həmişə qəddar mövqe sərgiləyib.Biz əsgərlikdə olanda da bunun şahidi olurduq.ermənilərtlə əlbir olub Azərbaycandan gələn əsgərləri aşağılamağa çalışırdılar.

Son yazılar