Milli komandaların FİFA reytinqi açıqlanıb.
APA-nın məlumatına görə, siyahıda dünyanın 211 yığması yer alıb.
Azərbaycan yığması 1188 xalla 109-cu pillədə qərarlaşıb. Nikola Yurçeviçin yetirmələri hesabat dövründə heç bir rəsmi oyun keçirmədiyi üçün komandamızın xal hesabı iyunun 14-dəki ilə müqayisədə dəyişməyib.
Lakin millimiz 1 pillə irəliləyib. Yığmamızın 110-cu sıradan bir addım yüksəlməsi Zimbabvenin geriləməsi sayəsində mümkün olub. Komandamız 109-cu yerə Bəhreynlə şərikdir.
Qeyd edək ki, siyahının ilk “üçlüy”ündə Belçika (1746), Braziliya (1726) və Fransa (1718) milliləri başçılıq edir.
Şərhlər