Azərbaycan Xarici İşlər Nazirliyi (XİN) Cəmmu və Kəşmirdə baş verən hadisələrlə əlaqədar mövqeyini açıqlayıb.
"Report"un xəbərinə görə, KİV nümayəndələrinin sualının cavablandıran XİN-in Mətbuat katibi Leyla Abdullayeva bildirib ki, Azərbaycanın Cəmmu və Kəşmir məsələsində mövqeyi ardıcıl xarakter daşıyır:
"Azərbaycan Cəmmu və Kəşmir məsələsinin beynəlxalq hüququn norma və prinsiplərinə, BMT Təhlükəsizlik Şurasının müvafiq qətnamələrinin tələblərinə uyğun olaraq həllini dəstəkləyir.
Azərbaycan Respublikası İslam Əməkdaşlıq Təşkilatı çərçivəsində Cəmmu və Kəşmir məsələsi üzrə Kontakt qrupun üzvüdür. Bu günlərdə İƏT-in Ciddədə mənzil qərargahında Cəmmu və Kəşmir üzrə Kontakt qrupun iclası keçirilib".
Şərhlər
Ümumi sözlərdir.Nə vaxta kimi biz bütün məsələlər də belə mövqesiz sifətsiz qalacağıq. Pakistan ermənistan barədı konkret mövqe qoyub ortaya biz isə uşaq başı aldadırıq sonra da şikayətlənirik ki errməninin dostu çoxdur bizim isə yox.Adam utanır ...