Avqustun 22-si səhər saat 09:00-dan etibarən işlər başa çatanadək Naftalan şəhər mərkəzi və bir neçə kənddə qaz təchizatı dayandırılıb.
“Azəriqaz” İB-dən “APA-Economics”ə verilən məlumata görə, qeyd edilən saatdan etibarən texniki baxış zamanı aşkar olunmuş qaz sızmalarının ləğvi işlərinə start verilib.
Həmçinin bu gün səhər saat 09:00-dan Hacıqabul rayonunun 5 kəndində də qaz təchizatı dayandırılıb. “Qaz İxrac” İdarəsi bu müddət ərzində balansında olan kəmərlərdə qaz sızmalarının ləğvi işlərini həyata keçirəcək.
Bundan başqa “Qaz İxrac” İdarəsi qaz ölçü qovşağında quraşdırılmış qaz sayğacının əvəzlənməsini də həyata keçirəcək. Bununla əlaqədar olaraq 2 saat ərzində (10:00-dan 12:00-dək) Qazax rayonunun 3 kəndində qaz olmayacaq. Bundan başqa saat 09:30-dan 17:30-dək qaz sızmalarının ləğvi, orta təzyiqli qaz xəttinin sazlama işləri ilə bağlı İsmayıllı rayonunun mərkəzinin bir hissəsi və bir neçə kənddə qaz təchizatında məhdudiyyətlər olacaq.
Şərhlər
Hörmətli AzPolitika!
Son 1 ay ərzində kütləvi şəkildə proflaktika pərdəsi altında əhaliyə qaz verilişi dayandırılır.İndi 4 rayonda deyirlər amma bəlkə də 20-30 rayonda qaz dayandırılıb.həm də əvvəlkindən fərqli olaraq 2 gün dayandırılır.Məsələn Zərdabda butün rayonuna qaz verilməsini 2 gün dayandırdılar və mətbuatda bu barədə heç bir məlumat olmadı.Xahiş edirik bu məsələni araşdırasınız