Bakıda ötən gün 30 yaşlı gəlinini baltalayaraq qətlə yetirən şəxs tutulub.
APA-nın məlumatına görə, Xəzər rayonu Binə qəsəbəsində 4 uşaq anası olan 1989-cu il təvəllüdlü Cəmilə Məhərrəmovanı qayınatası - əvvəllər məhkum olunmuş 1962-ci il təvəllüdlü Firdovsi Məhərrəmov ailə münaqişəzi zəminində baltalayaraq öldürüb.
Hüquq-mühafizə orqanları tərəfindən F.Məhərrəmov saxlanılıb və cinayəti etiraf edib.
Faktla bağlı Xəzər rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.
***
Bakıda qətl törədilib.
APA-nın məlumatına görə, Xəzər rayonu, Binə qəsəbəsi Südçülük Sovxozunda qayınata gəlini baltlayaraq qətlə yetirib.
Hadisə ilə bağlı hüquq-mühafizə orqanları hadisə yerinə gedib.
Hələlik, qətl törədən və ölən şəxsin şəxsiyyəti məlum deyil.
Şərhlər
Qaynana dırdırı, ərin yumruğu
Səni yaşamağa usandırıbdır.
Başına, gözünə dəyən zərbələr,
Səni cəmiyyətdə utandırıbdır…
Hər dava-dalaşda əzildiyində
Körpən də yanında görünür sənin.
Ağlaya-ağlaya o yan, bu yana,
Balan da arxanca sürünür sənin...
Alıb qucağına əzizləyirsən,
Elə bil heç bir şey olmamış kimi.
Bir gözün yumulu, bir gözün açıq,
Elə bil yuxunu almamış kimi…
Nə ölə bilirsən, nə də yaşaya,
Yeganə təsəllin körpə balandı.
Bu vəhşi ocaqda gəlin olandan,
Gülə də bilmirsən gör bir haçandı…
Bezib yaşamaqdan, bezib canından,
Özünü alçalmış qadın sanırsan.
Qardaşın zəng edib, əhval tutanda,
Yaxşıyam söyləyib, inandırırsan...
Necə də məğrursan, necə qürurlu,
Sənin ləyaqətin kişində ola.
Qadının döyməkdi kişinin işi ?!
Kişi o kəsdir ki, işində ola…