“Daxildəki məsələlərə gücü çatmayanlar xaricdə oturanları maliyyələşdirməklə prezidentin həyata keçirdiyi islahatlara kölgə salmağa, qarayaxma kampaniyası aparmağa çalışırlar”.
Bunu Modern.az-a açıqlamasında Milli Məclisin İctimai birliklər və dini qurumlar komitəsinin sədri, hakim Yeni Azərbaycan Partiyası icra katibinin müavini Siyavuş Novruzov Prezident İlham Əliyevin keçirdiyi iqtisadi müşavirədə səsləndirdiyi fikirlərlə bağlı danışarkən bildirib.
S.Novruzov qeyd edib ki, qarayaxmaların hamısı Azərbaycan dövlətinə, dövlətçiliyinə qarşı yönəlmiş addımlardır:
“Təbii ki hər hansısa sahələrdə neqativlərin olması və bunun tənqidi normaldır. Ancaq biz görürük ki, harada iş getmirsə, o sahəyə toxunulmur. Harada iş yaxşı gedirsə, orada prezidentə sədaqətli insanlar çalışırsa, ona qarşı qarayaxma kampaniyası aparılır. Bu yaxınlarda biz “SOCAR”ın timsalında bu məsələni gördük, öyrədilmiş adamlar ortaya çıxdı”.
Komitə sədri xatırladıb ki, Prezident müşavirədə nöqsanlarla bağlı məmurlara xəbərdarlıq edib:
“Onlardan hazırda vəzifə başında oturanlar var ki, dövlətin apardığı işə əngəl törədirlər. Onlar üçün ən yaxşı yol istefa verməkdir. İstefa verib, kənara çəkilməlidir ki, ölkə inkişaf etsin. Kadr islahatlarına gəldikdə, kiminsə işdən çıxarılması cənab prezidentin səlahiyyətinə aid olan məsələdir. Müşavirənin özündə də əsas vurğunun vətəndaş üçün olması vurğulandı. Hər şey Azərbaycan vətəndaşlarının rifah halının yaxşılaşdırılmasına, yaxşı yaşamasına, onların azad, inkişaf etmiş , qanunun aliliyi tam şəkildə təmin olunmuş bir ölkədə yaşamasına xidmət etməlidir. Əgər kim hardasa bir nöqsan görürsə, istənilən vasitə ilə tez bir zamanda səsini eşitdirə bilər. Hansısa sahələrdə nöqsanlar, büdcə şişirtmələri varsa, o da araşdırılmalıdır. Prezidentin qaldırdığı hər bir məsələ ən incə ayrıntısına qədər diqqət edilməli və o sahəlrədəki nöqsanlar aradan qaldırılmalıdır”.
Şərhlər
Vallah bu vaxta qədər vəzifəsindən gedən kim varsa vəzifəsində olduğu müddətdə sədaqət abidəsi olub.Hətta vəzifədən gedəndə altından-üstündən milyardlar çıxsa da,deputat vəsiqəsini girov qoyub borc götürsə də,yarım milyard kredit (!) alıb Fransanın Lans klubunu alsa da və sonra onun faizini ödəyəmməsə də deyib ki,yenə sədaqət abidəsiyəm,iş olsa yenə işləyərəm,olmasa da ki eybi yox.P.S."Hər hansı" ifadəsindən sonra gələn isim tək halda olmalıdır,çünki "hər hansı" ifadəsi çox saydan birisi üçün işlədilir.
Dediyiniz Sokarı, NRYT-lar (rabitə)nazirliyinə şamil etmək olmaz, beləki bu NRYT-lar nazirliyi və onun qurumları haqqında illərlədirki rabitəçilər ölkənin bütün aidiyatı qurumlarına şikayət edirlər, sanki bunların arxasında duran, hansısa qara quvvələr, imkan vermir həmin şikayətlərin araşdırılmasına, rabitəçilər umud edirdilər bu təyin olunan gənclər, illərlə bu sahədə davam edən bürokralığı, neqativliyi təmiz rabitəçi mütəxəsislərlə əl-ələ verib təmizləyərlər, amma bunun tam əksi oldu.
Hörmətli Səyəvuş müəllim,Ərazilərimiz erməni-rus tapdağında qaldığı halda milli sərvətləri şəxsi xeyrinə yönəldənləri tərifləmək,ən azından həqarətdir!