ABŞ terror təşkilatının əlində olan neftayırma zavodlarını vurub
ABŞ özünün İraq və Şam İslam Dövləti (İŞİD) kimi təqdim edən terror təşkilatının əlində olan neftayırma zavodlarını vurub.
ANS-in məlumatına görə, ABŞ İŞİD-in neft qaçaqçılığını önləmək məqsədi ilə hərbi hərəkata başlayıb. Pentaqon, Suriyada İŞİD-ə aid 12 modular neft neftayırma zavodunun vurulduğunu açıqlayıb.
ABŞ Müdafiə Nazirliyinən bildirilib ki, Suriyadakı İŞİD-ə istiqamətli hücumlar Səudiyyə Ərəbistanı və Birləşmiş Ərəb Əmirlikləri ilə birlikdə reallaşdırılıb.
Həm döyüş təyyarələri, həm də pilotsuz təyyarələrdən istifadə edərək 13 hərbi hücum həyata keçirilib.
Pentaqon hərbi hücumlar zamanı neftayırma zavodlarının zərər gördüyünü, hədəflərin müvəffəqiyyətlə vurulduğunu açıqlayıb.
Qeyd edək ki, İŞİD bu zavodlardan gündə 300-500 barel neft əldə edirdi. Bununlada 2 milyon dollar gündəlik gəlir əldə edən terror təşkilatı bu pulları yeni silahların alınmasına istifadə edirdi.
Şərhlər