BMT-nin baş katibi Antoni Quterreş prezident Donald Trampın İranın İraqdakı ABŞ hərbi obyektlərinə raket hücumundan sonra verdiyi açıqlamasını alqışlayır.
APA-nın TASS-a istinadla verdiyi xəbərə görə bu barədə çərşənbə günü BMT baş katibinin rəsmi nümayəndəsi Stefan Dujarriç keçirdiyi brifinqdə bildirilib.
"Biz ABŞ prezidentinin qarşıdurmanın aradan qaldırılmasına yönəlik hər hansı bir ifadəsini alqışlayırıq”, - deyə Dujarriç vurğulayıb.
Qeyd edək ki, bundan əvvəl Tramp televiziya vasitəsilə ABŞ-ın İranla barışmağa hazır olduğu mesajını verərək, Tehranın bütün digər ölkələrlə qarşılıqlı münasibətlərinin olacağına ümid etdiyini söyləmişdi.
Şərhlər