ABŞ prezidenti Donald Tramp İsrail casusu Amir əl-Faxurinin Beyrut həbsxanasından buraxıldığını və ABŞ-a qayıtdığını açıqlayıb.
"Strateq.az" xəbər verir ki, Livan mənşəli ABŞ vətəndaşı əl-Faxuri hərbi cinayətlərə görə məhkum olunub. O, 1980-ci illərdə Livanın cənubundakı həbsxanalarda İsraillə əməkdaşlıq edərək məhbuslara verilən işgəncələrdə iştirak edib və “əl-Xəyyamın qəssabı” ləqəbi ilə tanınıb.
Əl-Faxuri həbsdən azad edildikdən sonra helikopterlə Beyrutdakı ABŞ səfirliyinə çatdırılıb və daha sonra Birləşmiş Ştatlara yola salınıb.
Livanın “Hizbullah” hərəkatı hökumətin əl-Faxurinin azad edilməsi barədə qərarı ABŞ-ın təzyiqi və təhdidləri altında verdiyini bildirib.
Şərhlər