Azərbaycan Respublikasında 12 yeni koronavirus (COVID-19) infeksiyasına yoluxma faktı qeydə alınıb. Nazirlər Kabineti yanında Operativ Qərargahdan "Report"a verilən məlumata görə, xüsusi rejimli xəstəxanalara yerləşdirilən və müşahidə altında olan pasiyentlər özlərini normal hiss edirlər, səhhətləri stabildir.
Hazırda Azərbaycanda 54 nəfər aktiv koronavirus xəstəsi xüsusi rejimli müəssisələrdə həkim nəzarəti altında saxlanılır, onların müalicəsi ilə bağlı müvafiq tədbirlər davam etdirilir.
Qeyd edək ki, Azərbaycanda koronavirus yoluxma halları ölkəmizə xaricdən gələn şəxslər sırasında və ölkə daxilində insanların bir-birini yoluxdurması faktları üzrə aşkarlanır. Bu səbəbdən, bir daha vətəndaşlarımızı şəxsi gigiyena qaydalarına, Ümumdünya Səhiyyə Təşkilatının, Nazirlər Kabineti yanında Operativ Qərargahın tələb və tövsiyələrinə ciddi riayət etməyə çağırırıq.
Vətəndaşlardan özünütəcrid tədbirlərinə uyğun davranmaq, yalnız ciddi ehtiyac yarandıqda evdən çıxmaq, digər şəxslərlə minimum kontaktda olmaq, insanların sıx toplaşdığı yerlərə getməmək, mövcud preventiv tədbirlərin şərtlərinə ciddi əməl etmək tələb olunur.
Şərhlər
Əhalini aldatmaq lazım deyil.Göründüyü kimi,virusa yoluxmanı gizlətmək mümkün deyil.Qabaqlayıcı tədbirlər düzgün aparılsa yoluxma az olar.İaşə obyektlərini tamamilə bağlamaq heç nəyə kömək etməyəcək.Əksinə,aclıq sakitlikdir deyənlər yanılacaq.Evinə çörəkpulu apara bilməyənlər nəhayətdə küçəyə yürüyəcəklər. Azərbaycanda əhalinin əksəriyyəti yuxudan günorta saatlarında oyanır.Odur ki,obyektləri saat 12-dən 21-dək işləmək lazımdır.Yaxşı sanitariya olan yerdə vcirus olmaz.