Türkiyədə koronavirusdan ölənlərin sayı 574 nəfərə çatıb

Türkiyədə yenı növ koronovirusdan (COVID-19) bu gün daha 73 nəfər ölüb.

APA-nın yerli bürosunun xəbərinə görə, bu barədə Türkiyənin Səhiyyə naziri Fəxrəddin Qoca "Twitter" səhifəsində məlumat paylaşıb.

Nazir bildirib ki, son 24 saatda 20065 şübhəli koronavirus testindən keçib, onlardan 3135 nəfərinin cavabı pozitiv çıxıb.

Qeyd edək ki, Türkiyədə koronavirusdan indiyədək 574 nəfər ölüb, 27069 nəfər bu infeksiyaya yoluxub. Onlardan 1381 nəfərinin vəziyyəti ağırdır, 1042 nəfər isə müalicə olunub.

Nazir həmçinin qeyd edib ki, Türkiyədə indiyə qədər 181445 nəfər testdən keçib və müalicə olunan xəstələrin səhhətində yaxşılaşma müşahidə edilir.

635x100

Şərhlər

Hər hansısa bir şərh yazılmayıb.

Son yazılar