Karantin qurğularını qıran “tikinti kralı”nın oğlu Milli Məclisdə işləyirmiş
Dünən Bakı-Ələt yolundakı karantin postunda polislərin qanuni əmrlərinə tabe olmayaraq yol qurğularını qırıb və maşınla ərazidən qaçan şəxslə bağlı maraqlı faktlar ortaya çıxıb.
BakuPost-a daxil olan məlumata görə, hadisəni törədən Rəmzi Şükürov Milli Məclis Aparat rəhbəri xidmətinin məsləhətçisi vəzifəsində çalışıb. Hadisə ictimailəşəndən sonra Aparat rəhbəri onun işdən çıxarılması ilə bağlı əmr imzalayıb.
Qeyd edək ki, polis tərəfindən saxlanılan R.Şükürov rəsmi xəbərlərdə iş adamı kimi təqdim olunurdu. Bildirilirdi ki, o “tikinti kralı” kimi tanınan Əvəz Şükürovun oğludur, özü də çoxmərtəbəli binaların tikintisi ilə məşğul olur.
Şərhlər
Səfa Mirzəyevin neçə yaşı var? Niyə o təqaüdə göndərilmir?
Başqa yerdə onu daha böyük vəzifə gözləyir.
Ölkəmizdə sosial narazılıqları yaradanlar da bəzi məmular və onların övladlarıdır. Onagörə də qanun onlara şamil olunmalıdır.....