Gürcüstanda daha 30 nəfərdə yeni növ koronavirusa (COVİD-19) yoluxma təsdiqlənib.
APA-nın yerli bürosunun xəbərinə görə, bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında məlumat verilib.
Bununla da ölkədə təsdiqlənmiş yoluxma hallarının sayı 336-ya çatıb.
Məlumatda bildirilib ki, hazırda ölkə üzrə karantində 5000 nəfər saxlanılır, stasionar müalicədə isə 494 nəfər var. Virusa yoluxmuş şəxslərdən 74-ü sağalıb, 3 nəfər isə vəfat edib.
Qeyd edək ki, Gürcüstanda koronavirusa ilk yoluxma halı fevralın 26-da təsdiqlənib.
Şərhlər