Azərbaycanda oktyabr ayı ailə-sevgi macəraları baxımından qara günlərlə başlayıb.
Ayın birinci günündə artıq bu zəmində 8 adam öldürülüb, 3 nəfər isə ağır yaralıdır.
Goranboyda ailə-məişət münaqişəsi zəminində 7 nəfər öldürüldükdən, iki nəfər yaralandıqdan sonra daha bir ağır hadisə ilə bağlı məlumat yayılıb.
Daxili İşlər Nazirliyinin mətbuat xidmətinin məlumatına görə, sentyabrın 30-da Sumqayıt şəhəri 1-ci mikrorayonda şəhər sakini Mansur Yaqubov evlənmək məqsədi ilə Saray qəsəbə sakini Lalə Xanıyevanı idarə etdiyi “Mercedes” markalı avtomobilə oturdub Bakı-Quba yolunun 40-cı km-nə aparıb və aralarında baş vermiş münaqişə zəminində avtomobildə özünün və Lalənin üzərinə benzin töküb yandırıb. M.Yaqubov hadisə yerində ölüb, L.Xanıyeva isə xəstəxanaya yerləşdirilib.
Şərhlər