Məlumat verildiyi kimi, koronavirus infeksiyasının yayılmasının qarşısının alınması məqsədi ilə Nazirlər Kabineti yanında Operativ Qərargah tərəfindən 2020-ci il mayın 1-dən ölkə ərazisində xüsusi sanitar rejim tətbiq edilir.
Bu barədə Daxili İşlər Nazirliyinin (DİN) Mətbuat Xidmətindən məlumat verilib.
"Qeyd edilməlidir ki, dövlətin həyata keçirdiyi əlaqədar tədbirlərdən irəli gələn tələblərə vətəndaşlar tərəfindən ümumən əməl edilsə də, son günlər ictimai yerlərdə tibbi maskadan istifadə edilməməsi, sosial məsafənin gözlənilməməsi kimi infeksiyanın yayılmasına şərait yaradan halların artması müşahidə edilir. Vətəndaşlardan evdən çıxarkən, qapalı məkanlarda, xüsusən iaşə müəssisələrində, ictimai nəqliyyatda nəfəs yollarını qoruyan tibbi maskadan mütləq qaydada istifadə etmək, insanlarla təmas zamanı 2 metrlik ara məsafəsini saxlamaq, bütövlükdə karantin rejimi dövrü üçün müəyyən edilmiş qaydalara ciddi riayət etmək tələb olunur", - məlumatda bildirilib.
Şərhlər
Biz Buzovna sakinləri, DİN-ə növbəti dəfə müraciət edirik: Buzovna qəsəbəsi 14 saylı xəstəxananın qəbul şöbəsinə gedən yolda yoluxucu mühit yaradan yataqxana sakinlərinin yığışmasına, bu yolda maşın saxlamasına son qoyun! 3 saylı yataqxanada yoluxucu sıx mühit yaradan, bura dələduzluq və qanunsuz yollarala soxulmuş sakinlərin buradan çıxarılması ı barədə təsirli tədbirlər görün.