Fransada pandemiya qurbanlarının sayı 29,5 mini ötdü

Fransada 143 yeni koronavirus infeksiyasına yoluxma faktı qeydə alınıb.“Report” xəbər verir ki, bu barədə Səhiyyə Nazirliyi bildirib.

Qeyd olunub ki, COVID-19 üçün götürülən analiz nümunələri müsbət çıxmış 38 nəfər vəfat edib.

Hazırkı dövrədək ölkədə 103,4 min nəfərin koronavirus infeksiyasına yoluxması faktı müəyyən edilib, onlardan 73,3 min nəfər müalicə olunaraq sağalıb, 10 335 nəfərin xüsusi rejimli xəstəxanalarda müalicəsi davam etdirilir.

Nazirliyin məlumatına görə, ölkədə COVID-19 qurbanlarının sayı 29,5 min nəfəri ötüb.