21-iyun 05 iyul tarixlərini əhatə edən iki həftəlik sərtləşdirilmiş karantin günlərində Kütləvi İnformasiya Vasitələrində (KİV) çalışan jurnalistlər icazə.gov.az portalında qeydiyyatdan keçdikdən sonra hərəkət edə bilərlər. Bu barədə Nazirlər Kabineti yanında Operativ Qərargahın müəyyənləşdirdiyi qaydalarda əksini tapıb. Qaydalara görə, işəgötürən şəxs media nümayəndələri barədə müvafiq məlumatları portala göndərib onların sərbəst fəaliyyətinə icazə almalıdırlar.
Hüquqşünaslar isə bu qərarın qanunvericliyə zidd olduğunu və KİV-in fəaliyyətini məhdudlaşdırdığını bildiriblər.
Hüquqşünas, media hüququ üzrə ekspert Ələsgər Məmmədli “AzPolitika.info”-ya bilidirib ki,Fövqəladə vəziyyət elan edilməyibsə, karantin zamanı jurnalistlərin fəaliyyətini tənzimləmə hüququnu nə Konstitusiya, nə də digər qanunlar Nazirlər Kabinetinə verməyib.
“Jurnalistin öz peşə fəaliyyətini icazə ilə həyata keçirməsi yalnız Konstitusiyanın 112-ci maddəsində tətbiq edilən fövqəladə vəziyyət rejimi zamanı nəzərdə tutulub. Jurnalistlərə tövsiyəm, nə zaman onları saxlasalar yerində akt tərtib edib, məhkəməyə getsinlər. Onların fəaliyyətinə mane olanlar hüquqi məsuliyyət daşıyacaq”-deyə ekspert vurğulayıb.
Xatırladaq ki. “KİV haqqında” Qanunun 7 və 8-ci maddələrinin tələblərinə görə, ölkədə fövqəladə vəziyyət rejiminin elan olunması istisna olmaqla medianın fəaliyyəti məhdudlaşdırıla bilməz.
Bəs Operativ Qərargahın qanuna zidd qərarı ilə bağlı media qurumları hansı addımı atmaq niyyətindədirlər?
Mətbuat Şurasının sədri Əflatun Amaşov “AzPolitika.info”-nun sorğusuna cavab olaraq bildirib ki, bu barədə Operativ Qərargaha müraciət ediləcək. Müraciətdə sərtləşdirilmiş karantin günlərində jurnalistlərin fəaliyyətini məhdudlaşdıran qərarlara yenidən baxılması xahiş olunacaq.
AzPolitika.info
Şərhlər
Ölkədə baş verən fırıldaqların üstünü,əsasən jurnalistlər açır.....Məsələn,keçən karantin rejimində Novxanı sahillərindəki oliqarxlara məxsus restoranlar işləyib.Heç bir qanun nəzarətçisi əraziyə buraxılmayıb.Yəqin indi də elə olacaq.Belə olan halda oliqarxların yuxusuna haram qatan ancaq jurnalistlər olur.
Mətbuat şurası Azərbaycan dilini bilmir? Operativ Azərbaycan sözü deyil.Ölkədə Azərbaycan dili yavaş-yavaş unudulur.Çünki qarışıq azərbaycan dilini müfəssəl bilmək istməirlər.lar
Əflatun müəllim, son illər qəzet dəllalları varlanmaq məqsədi üçün qəzet çap etdirərək pul qazanırlar.. Bunlardan biri Regional Şəki qəzetidir.. İnternetdə gedən materiallları götürərək özünün çıxardığı qəzetə yerləşdirərək çapa buraxırlar. Onun qəzeti insanın gözünü kor edir, oxumaq mümkün deyil. Hamısını printerdən surətini çıxardaraq satır, onun demoqoqluğundan ehtiyat edərək onun qəzetini alaraq zibil qabına atırlar.. Xahiş edirik həmin qəzetlə bağlı son sözünüzü deyin..