Azərbaycanda valyuta hərracında dollara tələb 26%-dən çox artıb

Bu gün Mərkəzi Bankda (AMB) Azərbaycan Dövlət Neft Fondunun iştirakı ilə növbəti valyuta hərracı keçirilib.

Məlumatda deyilir ki, ABŞ dollarına tələb iyunun 23-nə nisbətən 8,6 milyon ABŞ dolları və yaxud, təxminən, 26,1% artaraq 41,6 milyon ABŞ dolları təşkil edib.

Mərkəzi Bank bildirib ki, tələb tam ödənilib.

Hərracda manatın ortaçəkili məzənnəsi 1,7000 AZN/USD səviyyəsində formalaşıb.