Milli qəhrəmanın oğluna vəzifə verildi

Əmlak Məsələləri üzrə Dövlət Xidmətinin mətbuat xidmətinə yeni rəhbər təyin olunub.

"AzPolitika" "fed.az"-a istinadla xəbər verir ki, İqtisadiyyat Nazirliyi yanında Əmlak Məsələləri üzrə Dövlət Xidmətində yeni kadr təyinatı aparılıb. Ceyhun Əsgərov qurumun mətbuat xidmətinə rəhbər təyin edilib.

Ceyhun Əsgərov 2003-2011-ci illərdə ANS teleradio şirkətində müxtəlif vəzifələrdə çalışıb. Sonralar “Araz” radiosunda siyasi şərhçi, “Türk El” telekanalında baş direktor, CBC kanalında “Xəbərlər” redaksiyasının direktoru, 2015-ci ildə isə “Xəzər Dəniz Gəmiçiliyi” QSC-nin mətbuat katibi vəzifələrini tutub.

Yeni təyinatından əvvəl C.Əsgərov www.aznews.az və www.novosti.az informasiya portallarının baş redaktoru kimi çalışıb.

Qeyd edək ki, C.Əsgərov Milli qəhrəman Salatın Əsgərovanın oğludur.