PSJ Çempionlar Liqasının finalına yüksəlib - Bu gün rəqibi müəyyən olunacaq

Çempionlar Liqasında yarımfinal mərhələsi start götürüb.

Apasport.az saytının məlumatına görə, bu gün ilk finalçı müəyyənləşib.

Birinci cütlükdə “Leypsiq”lə PSJ üz-üzə gəlib. 1/4 finalda gözlənilmədən “Atletiko” üzərində qələbə qazanan Bundesliqa klubu bu dəfə sensasiya edə bilməyib. Turnirin əsas favoritlərindən olan parislilər böyükhesablı qələbə qazanaraq, finala yüksəlib.

Tomas Tuxelin yetirmələrinin həlledici qarşılaşmadakı rəqibi avqustun 19-da keçiriləcək "Lion" - "Bavariya" görüşünün qalibi olacaq. Final isə avqustun 23-də Lissabonun “Da Luş” stadionunda baş tutacaq.

Çempionlar Liqası

Yarımfinal

18 avqust

23:00. “Leypsiq” (Almaniya) – PSJ (Fransa) - 0:3

Qol: Markinos, 13, Di Maria, 42, Bernat, 56

Baş hakim: Byorn Kuypers (Niderland)

Lissabon. “Da Luş” stadionu

Bu gün UEFA Çempionlar Liqasında yarımfinal mərhələsinə yekun vurulacaq.

"Report"un məlumatına görə, bununla da digər finalçının adına aydınlıq gələcək.

Həlledici oyuna sonuncu vəsiqə uğrunda Almaniya "Bavariya"sı ilə Fransa "Lion"u qarşı-qarşıya gələcək.

Portuqaliyanın paytaxtı Lissabondakı "Eştadiu Joze Alvalade" stadionunda keçiriləcək oyunu ispaniyalı referi Antonio Migel Mateu Laos idarə edəcək.

Fransa klubunda malili müdafiəçi Yussuf Kone zədə səbəbindən oynaya bilməyəcək. Münhenlilərin heyətində isə itki yoxdur.

UEFA Çempionlar Liqası

Yarımfinal

23:00. "Lion" (Fransa) - "Bavariya" (Almaniya)

Baş hakim: Antonio Migel Mateu Laos

Portuqaliya, Lissabon. "Eştadiu Joze Alvalade" stadionu

Qeyd edək ki, bu cütün qalibi finalda PSJ ilə qarşılaşacaq. PSJ yarımfinalda Almaniya "Leyptsiq"ini darmadağın edib - 3:0. Həlledici oyun avqustun 23-də olacaq.