Avqustun 23-də saat 05:45 radələrində cəbhənin Goranboy rayonu istiqamətində Ermənistan silahlı qüvvələrinin diversiya-kəşfiyyat qrupu təxribat törətməyə cəhd göstərib.
Bu barədə Müdafiə Nazirliyindən məlumat verilib.
Cəbhənin bu istiqamətdə yerləşən Azərbaycan Ordusunun bölmələri tərəfindən görülən qəti tədbirlər nəticəsində düşmən itki verərək geri çəkilməyə məcbur edilib.
Döyüş zamanı erməni diversiya qrupunun komandiri, ilkin dindirməyə görə baş leytenant Qurgin Alberyan, əsir götürülüb.
Bir daha bildiririk ki, cəbhədə vəziyyətin gərginləşdirilməsinə görə bütün məsuliyyət bilavasitə Ermənistanın hərbi-siyasi rəhbərliyinin üzərinə düşür.
Şərhlər
Eşq olsun Azərbaycan Ordusuna.Allah ordumuzu qorusun .Amin
Allah millətimizə xalqımıza kömək olsun. Çox təhlükəli və müəmmalı bir durumdayıq. İçəridə də kreslo uğrunda didişmə boğuşma gedir. Nə baş verdiyini də xalqdan gizlədirlər
Rus gəmiləri Bakıya gəldi. Eyni zamanda Şoyqu da Bakıdadır. Yəqin rus komanda verib erməniyə ki nə edə bilirsiniz edin,qorxmayın. Neçə ki rusdan sallaşıb əl çəkməyəcəyik,başqa torpaqlarımız da gedəcək.
Türkiyə ilə hərbi müqavilə bağlanmalı və Türk ordusu Azərbaycanda qalmalıdır. Yoxsa düşmənlərimiz daha da quduzlaşacaqlar
Şoyqu,bəlkə də elə bu diversantı geriyə almaqdan ötrü gəlib.